ඉන්දීය තුන් ඉරියව් ක්‍රීඩක හර්දික් පාණ්ඩ්‍යාව 2024 අයි.පී.එල්. තරගාවලිය සඳහා ද ගුජරාට් ටයිටන්ස් කණ්ඩායම විසින් රඳවා ගෙන තිබෙනවා.
කෙසේ වෙතත් පසුගිය දින කිහිපය තුළ දී විදෙස් මාධ්‍ය වාර්තා කළේ හර්දික් පාණ්ඩ්‍යා මුම්බායි ඉන්දියන්ස් කණ්ඩායම සමඟ එක්වීමේ සැලසුමක් ඇති බවයි.
පාණ්ඩ්‍යා යළි මුම්බායි ඉන්දියන්ස් සමඟ එක්වන බවට පැතිර ගිය පුවතත් සමඟ ක්‍රිකට් විචාරකයින් පැවසුවේ, පාණ්ඩ්‍යා මුම්බායි පිළ සමඟ එක්වුව හොත් එහි නායකත්වය ද ඔහුට ලබාදීමට සූදානමක් පවතින බවයි.
මුම්බායි පිළේ වත්මන් නායක රෝහිත් ශර්මාට පසුව, පසු පෙළ නායකත්වයක් සැකසීමේ අරමුණ ඇතිව මුම්බායි කණ්ඩායමේ හිමිකාරිත්වය මෙලෙස පාණ්ඩ්‍යා යළි සිය කණ්ඩායම එක්කර ගැනීමට කටයුතු කරන බවට ද ඇතැම් පිරිස් මත පළකර සිටියා.
එම මාධ්‍ය වාර්තා සහ ප්‍රකාශයන් සියල්ල බොරුවක් බවට තහවුරු කරමින් එළඹෙන අයි.පී.ඒ තරගාවලියේ දී ගුජරාට් ටයිටන්ස් සමඟ රැඳීමට හර්දික් පාණ්ඩ්‍යා මේ වනවිට කටයුතු කර තිබෙනවා.
මේ අතර මෙවර තරගාවලිය වෙනුවෙන් පැවැත්වෙන ක්‍රීඩක වෙන්දේසිය වෙනුවෙන් දෙස් විදෙස් ක්‍රීඩකයින් අටදෙනෙක් නිදහස් කිරීමට ගුජරාට් පිළ කටයුතු කර ඇති බව වාර්තා වුණා.
එලෙස නිදහස් කළ ක්‍රීඩකයි අතරට ශ්‍රී ලංකා තුන් ඉරියව් ක්‍රීඩක දසුන් ශානක ද ඇතුළත්.
