නෙදර්ලන්තය පැරදූ ඇෆ්ගනිස්ථානයට කඩුලු 7ක ජයක්

ලෝක කුසලාන ක්‍රිකට් තරගාවලියේ නෙදර්ලන්තය සමග පැවති තරගයෙන් කඩුලු 7ක ජයක් ලබා ගැනීමට ඇෆ්ගනිස්ථාන කණ්ඩායම සමත්වුණා. මෙම තරගය පැවැත්වුණේ ලක්නව්හිදීයි.

කාසියේ වාසිය දිනා පළමුවෙන් පන්දුවට පහරදුන් නෙදර්ලන්ත කණ්ඩායමට පන්දුවාර 46යි පන්දු 3ක් අවසානයේ සියලුදෙනා දැවී ලබා ගැනීමට හැකි වූයේ ලකුණු 179ක් පමණයි.

Sybrand Engelbrecht ලකුණු 58යි. Colin Ackermann ලකණු 29ක් සහ Max O’Dowd ලකුණු 42ක් ලබා ගත්තා.

පන්දු යැවීමේදී මොහොමඩ් නාබි කඩුලු 3ක් සහ Noor Ahmad කඩුලු 2ක් බිඳහෙලුවා.

ඒ අනුව තරගය ජය ගැනීමට ඇෆ්ගනිස්ථානයට හිමි වූ ඉලක්කය ලකුණු 180ක්.

ඔවුන් පන්දුවාර 31යි පන්දු 3ක් අවසානයේ කඩුලු 3ක් පමණක් දැවී ජයග්‍රාහී ඉලක්කය පසු කළා. නායක Hashmatullah Shahidi නොදැවී ලකුණු 56ක් රැස් කළා. Rahmat Shah ලකුණු 52යි.