ඉදිරි අයවැයෙන් රුපියල් 20 000ක වැටුප් වැඩිවීමක් ඉල්ලා රට පුරා විරෝධතා ව්යාපාරයක් ක්රියාත්මක කිරීමට රාජ්ය හා පළාත් රාජ්ය සේවා වෘත්තීය සමිති එකමුතුව සැලසුම් කර තිබෙනවා.
හෙට (30) දහවල් 12 – 01 කෑම පැයේ රට පුරා රාජ්ය ආයතන හා ආසන්න නගරවල උද්ඝෝෂණ ව්යාපාරයක් සිදු කිරීමටයි ඔවුන් කටයුතු යොදා ඇත්තේ.
සියලු සේවකයින්ට රුපියල් 20 000ක දීමනාවක් හෝ වැටුප් වැඩි කිරීමක් සිදු කරන ලෙසට සහ 2018 වසරේ අයවැය යෝජනා මඟින් අහිමි කළ රාජ්ය සේවක පූර්ණ විශ්රාම වැටුප් හිමිකම යළි ලබාදෙන ලෙසත් බල කිරීම මෙම ඒකාබද්ධ විරෝධතා ව්යාපාරයේ අරමුණයි.
සංවර්ධන නිලධාරී, කළමනාකරණ සේවා නිලධාරී, ග්රාම නිලධාරී, සමෘද්ධි, කාර්යාල සේවා, කෘෂිකර්ම උපදේශක සේවය, කම්කරු නිලධාරී ඇතුළු පළාත් රාජ්ය සේවා රැසක නිලධාරීන් මෙම විරෝධතාවයට එක් වනවා.
අයවැය මඟින් අදාළ ඉල්ලීම් ඉටු නොවුනහොත් ඉන් පසු ගනු ලබන ඉදිරි ක්රියාමාර්ග ලෙස සියලු සේවා ඒකාබද්ධව ජාතික විරෝධතාවක් ලෙසට මෙය පරිවර්තනය කරන බවයි රාජ්ය සේවා වෘත්තීය සමිති එකමුතුව සඳහන් කළේ.
