ශ්රී ලංකාවේ රිලවුන් සඳහා වෙනත් විදේශීය රටවලින් ද විශාල ඉල්ලුමක් පවතින බව කෘෂිකර්ම අමාත්ය මහින්ද අමරවීර අද පාර්ලිමේන්තුවේදී ප්රකාශ කළා.
අමාත්යවරයා කියා සිටියේ චීන සමාගමක මෙවැනිම ඉල්ලීමක් සම්බන්ධයෙන් ජාත්යන්තර මාධ්යවල දැඩි අවධානයක් යොමු කර ඇති බැවින් තවත් බොහෝ රටවලින් ඔවුන්ගේ සත්වෝද්යාන සඳහා රිලවුන් අපනයනය කිරීමේ හැකියාව පිළිබඳව ඉල්ලීම් ලැබී ඇති බවයි.
චීන සමාගමෙන් කළ ඉල්ලීම රටේ මතබේධාත්මක තත්වයකින් සහ අධිකරණ ක්රියාමාර්ගයකින් අවසන් වූ බැවින්, මේ සඳහා ශ්රී ලංකාවේ අදාළ තානාපති කාර්යාල හරහා නිල ඉල්ලීමක් කරන ලෙස අනෙකුත් විදේශීය සමාගම්වලට දැනුම් දී ඇති බව අමාත්යවරයා ප්රකාශ කළා.
ශ්රී ලංකාවේ රිලවුන් චීනයට අපනයනය කිරීමේ යෝජනාව සම්බන්ධයෙන් මතුව ඇති ගැටලුව සම්බන්ධයෙන් අදහස් දක්වමින් අමාත්යවරයා පැහැදිලි කළේ චීනයේ සත්වෝද්යාන 10,000කට ආසන්න ප්රමාණයක් කළමනාකරණය කරන පුද්ගලික චීන සමාගමක් විසින් මෙම ඉල්ලීම කර ඇති බවයි.
ඔවුන් රිලවුන් 100,000ක් ඉල්ලා සිටි අතර, මාසයක් ඇතුළත වඳුරන් 2,000ක් වහාම අපනයනය කරන ලෙසටයි ඉල්ලා තිබී ඇත්තේ.
මේ සියල්ල මධ්යයේ පරිසරවේදීන් අධිකරණයේ නඩුවක් ගොනු කළ බවත්, ඒ හේතුවෙන් ශ්රී ලංකාවේ රිලවුන් චීනයට අපනයනය කිරීමට අදාළ සියලු ක්රියාමාර්ග තාවකාලිකව නතර කර ඇති බවත් අමාත්ය මහින්ද අමරවීර මහතා අනාවරණය කළා.
ඔහු පෙන්වා දුන්නේ මෙම වඳුරන් හේතුවෙන් වසරකට පොල් මිලියන 200ක පමණ විනාශයක් සිදු වන අතර ගොවීන් දුෂ්කරතාවන්ට මුහුණ පා සිටින බවයි. රිලවුන් අපනයනයට මහජනතාවගේ විරෝධයක් නොමැති අතර මීට එරෙහි වන්නේ පරිසර සංවිධාන පමණක් බවයි අමාත්යවරයා සඳහන් කළේ. වගාවන් විනාශ කරන සතුන් සම්බන්ධයෙන් කටයුතු කිරීම අත්යාවශ්ය බව ද ඔහු අවධාරණය කළා.
NAKI RILAWU CHIMPANSEE BABUN GIBAN GORILLO NRI HIWALLU WANDURO 220 GANAK INNAWA GANNA KENEK NATHI DHA. RILAWU WAGAWA WINASA KALA TA ME 220 GANA AWDURU DAHAS GANAK APU RATA AWURUDU 10N SAMPURNAYENMA ULA KALA HOAKAM KARALA PAG GAHALA HORAKAM ARALA MULU RATAMA BANKOLOTH KARALA MULU LOKENMA ASALWASI DUPPATH RATAWALIN PAWA ATHAMAR NAYA GANNA THANATAMA BALDHU KARALA DAMMA. ME RILAWUNTA SALLI EPA, NIKAN GANNA API DENNE NIKAM NOWEYI SALLI EKKA.