ජලය සොයා පැමිණි අවස්ථාවක කැකිරාව මාංකඩවල වැවේ මඩේ එරී සිටි වන අලි පැටවකු නිරුපද්රිතව ගොඩට ගෙන යළ වනයට පලවා හැරීමට ගනේවල්පොල වනජීවී කාර්යාල නිලධාරීන් සහ ප්රදේශවාසීන් එක්ව කටයුතු කර තිබෙනවා.
මෙලෙසෙ මඩේ එරී සිටි අලි පැටවා වයස අවුරුදු 10ක පමණ උස අඩි 6ක පමණ වන සත්වයෙක්.
අලියා මඩේ එරී සිටිනු දැක ඇති අයෙකු ඒ සම්බන්ධයෙන් ගනේවල්පොල වනසත්ව අඩවි ආරක්ෂක කාර්යාලයේ නිලධාරීන් දැනුවත් කිරීමට පියවර ගෙන තිබෙනවා.
ඒ අනුව වනජීවී නිලධාරීන් මඩේ එරී සිටි වන අලි පැටවා නිරුපද්රිතව ගොඩ ගැනීමට මෙහෙයුම් ආරම්භ කර ඇත්තේ අනුරාධපුර වනජීවී පශු වෛද්ය චන්දන ජයසිංහ මහතාගේ අධීක්ෂණය යටතේයි.
පෙරදින රාත්රියේ ගම් වැදී ඇති වන අලි රංචුවක් දිය සොයා මාංකඩවල වැවට ගිය අවස්ථාවේ එම රංචුවේ සිටි වන අලි පැටවකු මෙලෙස මඩෙහි එරී ඇති බව සඳහන්.
අඩි 05ක් පමණ ගැඹුරු මඩ වගුරක අලි පැටවා එරී සිටි අතර එම අලි පැටවා ගොඩ ගැනීමට වනජීවී නිලධාරීන්ට දැඩි පරිශ්රමයක් දැරීමට සිදුවූ බවයි අප වාර්තාකරු සඳහන් කළේ.
මඩේ එරීම හමුවේ දිනක් පමණ ආහාර නොමැතිව සිටි එම අලි පැටවාට අවශ්ය ඖෂධ ලබා දීමෙන් අනතුරුව ගොඩ ගැනීමට මෙහෙයුම් සිදු කර තිබෙනවා.
මහත් පරිශ්රමයක් දරා මඩේ එරී සිටි වන අලි පැටවා නිරුපද්රිතව ගොඩට ගෙන මාංකඩවල වැවට යාබද වූ රක්ෂිතය වෙතට ආරක්ෂිතව පලවා හැරි බවයි අප වාර්තාකරු සඳහන් කළේ.
