ස්වාමි පුරුෂයා විසින් සිය බිරිඳට තියුණු ආයුධයකින් පහරදී ඝාතනය කර ඇති බව වැල්ලව, මරළුවාව ප්රදේශයෙන් වාර්තා වනවා.
ඊයේ (02) උදෑසන මෙම ඝාතනය සිදුකර ඇති බවයි වැල්ලව පොලිසිය සඳහන් කළේ.
ඝාතනයට ලක්ව ඇති කාන්තාව කුරුණෑගල, මරළුවාව ප්රදේශයේ පදිංචිව සිටි 35 හැවිරිදි දෙදරු මවක් බවයි වාර්තා වුණේ.
මෙම අපරාධය සිදුකළ සැකකාර ස්වාමි පුරුෂයා විදේශගතව සිට දින 02කට පෙර නිවසට පැමිණ ඇති අතර, අදාළ කාන්තාව සිය දරු දෙදෙනා සමඟ නිවසේ සිට ඇති බවයි වාර්තා වන්නේ.
සැමියා සහ බිරිඳ අතර ඇති වූ ආරවුලක් දුරදිග යෑම හේතුවෙන් සැමියා විසින් පිහියකින් ඇණ ඇති අතර අනතුරුව කුරුණෑගල රෝහලට ඇතුළත් කිරීමේ දී මියගොස් තිබෙනවා.
ඝාතනය සිදුකළ සැකකාර ස්වාමියා කුරුණෑගල රෝහලේ ප්රතිකාර ලබමින් සිටිය දී ඇත්අඩංගුවට ගෙන ඇති බවයි පොලිසිය සඳහන් කළේ.
අනතුරු ඔහු අධිකරණය මඟින් බන්ධනාගාර අධිකාරිය භාරයට පත් කර තිබෙනවා.
සිද්ධිය සම්බන්ධයෙන් වැල්ලව පොලීසිය වැඩිදුර විමර්ශන කටයුතු සිදුකරනු ලබනවා.
