දුම්රියේ ගැටීමෙන් සහ රිය අනතුරකින් මියගිය දෙදෙනෙකුගේ අනන්යතාව අනාවරණ කර ගැනීම සඳහා පොලිසිය පරීක්ෂණ ආරම්භ කර තිබෙනවා.
ඊයේ උදෑසන ගාල්ල රිච්මන්ඩ්කන්ද දුම්රිය ස්ථානය ආසන්නයේදී දුම්රියේ ගැටී මියගොස් ඇත්තේ අවුරුදු 55ත් 60ත් අතර වයසක පසුවන පුද්ගලයෙක්.
මාතර සිට මරදාන බලා ධාවනය වූ දුම්රියේ ගැටී මියගොස් ඇති මෙම පුද්ගලයාගේ සිරුර කරාපිටිය රෝහලට යොමුකර තිබෙනවා.
උස අඩි 5යි අගල් 4ක් පමණ උසැති ඔහු නිල් පැහැති කොටු සහිත අත් කොට කමිසයක් සහ ලා නිල් පැහැති කොටු සහිත සරමක් හැඳ සිට තිබෙනවා.
සාමාන්ය තලෙලු සිරුරක් ඇති ඔහුගේ අනන්යතාව හඳුනා ගැනීම සඳහා ගාල්ල පොලිසිය විමර්ශන ආරම්භ කර තිබෙනවා.
මේ අතර කොළොන්නාව නගරයේදී දෙමටගොඩ සිට වැල්ලම්පිටිය දෙසට ධාවනය වූ බස් රථයක ගැටීමෙන් පුද්ගලයෙකු මියගොස් තිබෙනවා.
ඊයේ උදෑසන සිදු වූ එම අනතුරින් බරපතල තුවාල ලැබූ මෙම පුද්ගලයා කොළඹ ජාතික රෝහලට ඇතුලත් කිරීමේදී මියගොස් ඇති බවයි පොලිසිය සඳහන් කළේ.
ඔහුගේ අනන්යතාව මෙතෙක් අනාවරණ වී නොමැති අතර මළ සිරුර කොළඹ ජාතික රෝහලේ තැන්පත් කර තිබෙනවා.
අනතුර සම්බන්ධයෙන් බස් රථයේ රියදුරා අත්අඩංගුවට ගෙන ඇති අතර වැල්ලම්පිටිය පොලිසියයි විමර්ශණ සිදු කරන්නේ.
