මෙරට ජනප්‍රිය චිත්‍රපට හා ටෙලිනාට්‍ය නිළියක් සහ ප්‍රසිද්ධ චිත්‍රපට අධ්‍යක්ෂවරයෙක් අතර අද (22) අලුයම ඇතිවූ ආරවුලක් සම්බන්දහයෙන් පැමිණිල්ලක් ලැබී ඇති බව පානදුර දකුණ පොලීසිය පවසනවා.
පානදුර නගරයේ ප්‍රසිද්ධ පාසලක් අසළ පිහිටි නිවසක් ඉදිරිපිට අද අලුයම 2.00ට පමණ මෙම ආරවුල සිදුව ඇති බවයි පොලිසිය වැඩිදුරටත් සඳහන් කළේ.
සිද්ධියට සම්බන්ධ අධ්‍යක්ෂවරයා අදාළ නිළිය මුණගැසීම සඳහා අද අලුයම් කාලයේ ඇය රැඳී සිටින පානදුර නගරයේ පිහිටි නිවස අසළට මෝටර් රථයෙන් පැමිණ තිබෙනවා.
ඒ, අතර වාරයේ දී මෙම ආරවුල හටගත් බවට පැමිණිලි ලැබී ඇති බවයි පානදුර දකුණ පොලීසිය පැවසුවේ.
තමන්ට පහරදී මෝටර් රථයේ යතුර අධ්‍යක්ෂකවරයා ලබගත් බවට එම ජනප්‍රිය නිළිය සහ තවත් කාන්තාවක් විසින් මෙලෙස පොලිසියට පැමිණිලිකර තිබෙනවා.
මේ අතර තමාගේ ලක්ෂ 75කට ආසන්න මුදලක් ඇය වෙනුවෙන් වැයකර ඇති බවත්, අද අලුයම ද ජංගම දුරකථනය සහ ලක්ෂ තුනහමා‍රක පමණ මුදලක් සහ මෝටර් රථයේ යතුර ද ඇය විසින් ලබාගත් බවට ටෙලිනාට්‍ය අධ්‍යක්ෂවරයා ද පොලිසිය හමුවේ පැමිණිල්ලක් කර ඇති බවයි වාර්තා වන්නේ.
කෙසේ වෙතත් පැමිණිලි සඳහා පොලිසියට පැමිණ සිටි දෙපාර්ශ්වයට කරුණු පැහැදිලි කරදීමෙන් අනතුරුව ඔවුන් විසින් ගොනුකර තිබූ පැමිණිලි ඉල්ලා අස්කර ගෙන සිද්ධිය සමථයකට පත්වීමට එකඟ වී තිබෙනවා.
wpDiscuz
