නිරෝධායන නීති උල්ලංඝනය කරමින් අධිකරණ නියෝග කඩ කළ බව කියන සිද්ධියක් සම්බන්ධයෙන් වහාම පැමිණිල්ලක් ගොනු කරන ලෙස කොටුව මහේස්ත්‍රාත් අධිකරණය අද කොටුව පොලිසියට නියෝග කළා.
2021 වසරේදී නිරෝධායන නීති උල්ලංඝනය කරමින් ගුරුවරුන් 40 දෙනෙකු ඇතුළු පිරිසක් සිදු කළ උද්ඝෝෂණයකදී අධිකරණ නියෝග කඩ කළ බවටයි චෝදනා එල්ල වී ඇත්තේ.
මේ පිළිබඳ පැමිණිල්ලක් ගොනු කිරීමට අවසන් වශයෙන් දින ලබා දෙන බවයි මහේස්ත්‍රාත්වරයා සදහන් කළේ.
ඒ අනුව ලබන ඔක්තෝබර් 15 වනදා පැමිණිල්ලක් ගොනු කළ යුතු වන අතර එසේ නොකළහොත් සැකකරුවන් පිරිස මුදා හරින බවයි අධිකරණය පොලිසියට දැනුම් දුන්නේ.
දිවයිනේ විවිධ ප්‍රදේශවලින් එම උද්ඝෝෂණයට සහභාගී වූ ගුරුවරුන් 38 දෙනෙකු ඇතුළු සැකකරුවන් 42ක් නඩුව කැඳවූ අවස්ථාවේ විවෘත අධිකරණයේ පෙනී සිටියා.
විභාග රාජකාරි හේතුවෙන් ගුරුවරුන් දෙදෙනෙකු පෙනී නොසිටි අතර ඒ බව ඔවුන්ගේ නීතිඥවරුන් අධිකරණයට දැනුම් දෙනු ලැබුවා.
