තරුණියව හෝටලයට ගෙන ගියේ මැරිමේ අදහසින් නොවේ

තෙප්පනාව ප්‍රදේශයේ පදිංචි 30 හැවිරිදි දිලිනි ජයසූරිය සමග බුත්තල පොලිසියේ උප පොලිස් පරීක්ෂකවරයා හංවැල්ල හෝටල් කාමරයක දින දෙකක්ම ගත කර ඇත්තේ ඇය ඝාතනය කිරීමට පෙර සිටම තිබූ සැළැස්මක් මත නොවන බව පරීක්ෂණවල දී අනාවර්ණය වී ඇතැයි වාර්තා වනවා.

මෙවැනි සැළසුමක් තිබුණා නම් හෝටලයේ නවාතැන් ගැනීමට පැමිණෙන අවස්ථාවේ පිහියක් සඟවා ගෙන එන බවත් පශ්චාත් මරණ පරීක්ෂණ වාර්තාවට අනුව ඇයට පහරදීමක් සිදුනොවී ඇති බැවින් දෙදෙනා අතර ඇති වූ ආරවුලක් මත උප පොලිස් පරීක්ෂකවරයා ඇගේ ගෙල මිරිකන්නට ඇති බවත් එම අවස්ථාවේදී ඇය මරණයට පත් වන්නට ඇති බවටත් සැක මතුව ඇත. මරණයට පත් වුයේ කව්රුන්ද යන බව සැගවීම උදෙසා හෝටලයෙන් පිටවී හංවැල්ල නගරයේ ඇති සතිපොළට ගොස් පිහියක් මිලදී ගෙන පැමිණ ගෙල සිඳලන්නට ඇතැයි දැනට සැක පලකරයි.