ගිණිකොණදිග බෙංගාල බොක්ක මුහුදු ප්‍රදේශයේ පවතින “මොඛා” චණ්ඩ සුළි කුණාටුව පිළිබද අනතුරු ඇඟවීම් නිවේදනය
ගිනිකොණදිග බෙංගාල බොක්ක මුහුදු ප්‍රදේශයේ පැවති “මොඛා” සුළි කුණාටුව, චණ්ඩ සුළි කුණාටුවක් දක්වා වර්ධනය වී අද දින (මැයි 12) උදෑසන 05.30 වන විට 13.20N සහ 88.10E ආසන්නයේ කේන්ද්‍ර ගතව තිබෙනවා.
එම පද්ධතිය උතුරට බරව ඊසාන දෙසට ගමන් කරමින් පවතින බවත් තවදුරටත් වර්ධනය වෙමින් උතුරු දෙසට ගමන් කරන මෙම පද්ධතිය මැයි 14 වන දින දහවල් පමණ ගිණිකොණ දිග බංග්ලාදේශය සහ උතුරු මියැන්මාර වෙරළ තීරය හරහා ගමන් කිරීමට ඉඩ ඇති බව කාලගුණ දෙපාර්තමේන්තුව පැවසුවා.
ඉදිරි පැය 24 තුළ මෙම පද්ධතියේ බලපෑම නිසා මුහුද ප්‍රදේශවල සුළගේ වේගය පැ.කි.මි. 55-65 පමණ වන අතර විටින් විට පැ.කි.මි. 75-85 දක්වා වැඩි විය හැකි බවත් පැවසුවා.
ඉහත මුහුදු ප්‍රදේශ ඉතා රළු වන අතර විටින් විට තද වැසි හෝ ගිගුරුම් සහිත වැසි ද ඇති විය හැකි බව එම දෙපාර්තමේන්තුව වැඩි දුරටත් දන්වා සිටියා.
