කලුතර නගරයේ ලැගුම්හලක පස් මහල් ගොඩනැගිල්ලකින් අභිරහස් ලෙස ඇද වැටී මියගිය 16 හැවිරිදි පාසල් සිසුවියගේ මරණය සම්බන්ධයෙන් විමර්ශන කටයුතු අපරාධ පරීක්ෂණ දෙපාර්තමේන්තුව වෙත භාරදී තිබෙනවා.
දකුණු කලුතර ප්රදේශයේ හෝටලයක පස් වන මහලින් දැරිය ඇද වැටී මියගොස් තිබුණේ පසුගිය 6 වනදායි.
එම මරණය සම්බන්ධයෙන් මේ වන විට දැරියව හෝටලයට රැගෙන ගිය බව කියන 29 හැවිරිදි විවාහක පුද්ගලයා අත්අඩංගුවට ගෙන රඳවා ගැනීමේ නියෝග මත ප්රශ්න කරමින් සිටිනවා.
ඊට අමතරව අදාළ ලැගුම්හලේ හිමිකරුගේ බිරිඳ සහ දැරිය හෝටලයට රැගෙන යාමට උපකාර කළ බව කියන තරුණයා ඔහුගේ පෙම්වතිය රක්ෂිත බන්ධනාගාර ගතව පසුවනවා.
පොලිස්පතිවරයාගේ උපදෙස් මත අපරාධ පරීක්ෂණ දෙපාර්තමේන්තුවේ විශේෂ පොලිස් කණ්ඩායමක් අද සවස දැරියගේ නිවසට ගොස් පරීක්ෂණ ආරම්භ කර තිබෙනවා.
ඒ අනුව දැරිය එම නිලධාරීන් දැරියගේ මව ඇතුළු කිහිප දෙනෙකුගෙන් ප්රකාශ ලබා ගත් බවයි වාර්තා වන්නේ.
