බස්නාහිර, සබරගමුව, මධ්යම, වයඹ සහ දකුණු පළාත්වල විටින් විට වැසි හෝ ගිගුරුම් සහිත වැසි ඇති වන බවත් බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් ඇතැම් ස්ථාන වලට මි.මී. 75 ට වැඩි තරමක් තද වැසි ද ඇතිවිය හැකි බවත් කාලගුණ දෙපාර්තමේන්තුව පැවසුවා.
උතුරු පළාතේ වැසි වාර කිහිපයක් ඇති ද ඇති වන අතර දිවයිනේ සෙසු ප්රදේශවල විශේෂයෙන් සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇති වන බවයි එම දෙපාර්තමෙන්තුව පැවසුවේ.
බස්නාහිර සහ දකුණු වෙරළබඩ ප්රදේශවලත් මධ්යම කඳුකරයේ බටහිර බෑවුම්වලත් විටින් විට හමන පැ.කි.මී. (40-45) ක පමණ තද සුළං ඇතිවිය හැකි අතර ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙසත් කාලගුණ දෙපාර්තමේන්තුව පැවසුවා.
