අද දිනයේ දිවයිනේ ප්රදේශ රැසකට ප්රධාන වශයෙන් වැසි රහිත කාලගුණික තත්ත්වයක් පවතින බව කාලගුණ විද්යා දෙපාර්තමේන්තුව පවසනවා.
රත්නපුර කළුතර ගාල්ල සහ මාතර දිස්ත්රික්වල සවස් කාලයේදී හෝ රාත්රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බවයි එම දෙපාර්තමේන්තුව සඳහන් කළේ.
මේ අතර කොළඹ සිට ගාල්ල දක්වා වන මුහුදු ප්රදේශවල සවස් කාලයේදී හෝ රාත්රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකියි.
මන්නාරම සිට පුත්තලම කොළඹ හරහා ගාල්ල දක්වා වන වෙරළට ආසන්න මුහුදු ප්රදේශවල මුහුදු රළ තරංග කාලය වැඩිවීම හේතුවෙන් රළ පහරේ තරමක ඉහළ යාමක් ඇතිවිය හැකි බව කාලගුණ විද්යා දෙපාර්තමේන්තුව දැනුම් දෙනවා.
සවස් කාලයේදී සහ රාත්රී කාලයේදී එම මුහුදු ප්රදේශ රළු විය හැකියි.
මාතර සිට හම්බන්තොට හරහා පොතුවිල් දක්වා වන මුහුදු ප්රදේශ විටින් විට තරමක් රළු වන අතර දිවයින වටා සෙසු මුහුදු ප්රදේශ සාමාන්ය ස්වභාවයේ සිට මද වශයෙන් රළු විය හැකි බවටයි දැනුම් දෙන්නේ.
