ශ්‍රී ලංකාව සහ ඉන්දියාව අතර පැවති විස්සයි විස්ස සහ එක්දින තරගාවලිය අවසන් වුණේ ශ්‍රී ලංකා කණ්ඩායමට අමිහිරි මතක රැසක් ඉතිරි කරමින්.
මෙහිදී අවසන් එක්දින තරගය අතර තුර ශ්‍රී ලංකා කණ්ඩායමේ ක්‍රීඩකයින් දෙදෙනෙක් අනතුරට ලක්ව ආබාධයන්ට ලක්වුණා.
තුන් ඉරියව් ක්‍රීඩක අශේන් බණ්ඩාර සහ දඟ පන්දු යවන ක්‍රීඩක ජෙෆ්රි වැන්ඩර්සේ පන්දුවක් රැකගැනීමට යාමේ දී මෙලෙස අනතුර ලක්වූ අතර, පසුව ඔවුන් දෙදෙනා රෝහල් ගත කිරීමටයි පියවර ගෙන ගැනුනේ.
ක්‍රීඩකයින් දෙදෙනා රෝහල් ගත කිරීමෙන් පසු සිදුකර පරීක්ෂණවලදී අනාවරණය වී ඇත්තේ අශේන් බණ්ඩාරගේ දණහිසේ උළුක්කුවක් සිදුව ඇති බවයි.
එමෙන්ම සිදු වූ අනතුරින් ජෙෆ්රි වැන්ඩර්සේගේ දණහිසේ උළුක්කුවක් සහ මාංශ පේශි ඉරීමක් සිදුව ඇති බවයි නිරීක්ෂණය වී ඇත්තේ.
මේ අතර වැන්ඩර්සේ සහ අශේන් බණ්ඩාර ද ශ්‍රී ලංකා කණ්ඩායම සමඟ අද දිනයේ දිවයිනට පැමිණ ඇති බවයි වාර්තා වුණේ.
