සුනාමි ව්‍යසනය සහ විවිධ ආපදාවලින් මියගිය පිරිස සිහි කිරීම වෙනුවෙන් හෙට (26) පෙරවරු 9.25 සිට 9.27 දක්වා විනාඩි දෙකක නිහඬතාවක් පවත්වන ලෙසට ආපදා කලමනාකරණ මධ්‍යස්ථානය ජනතාවගෙන් ඉල්ලීමක් කරනවා.
හෙටට යෙදී ඇති ජාතික සුරක්ෂිතතා දිනයේදී මෙම නිහඬතාව පැවැත්වීම වාර්ෂිකව සිදු කෙරෙන්නක්.
2004 වසරේ දෙසැම්බර් 26 වනදා ශ්‍රී ලංකාව ද ඇතුලුව ආසියානු කලාපීය රටවල් රැසක් ප්‍රබල භූ කම්පනයකින් අනතුරුව ඇතිවූ සුනාමි ව්‍යසනයට ගොදුරු වූවා.
මෙම ව්‍යසනයෙන් ශ්‍රී ලංකාවේ පමණක් මියගිය සංඛ්‍යාව 35000ක් පමණ වනවා. දිස්ත්‍රික් 14ක පුද්ගලයන් 502456ක් පමණ බලපෑමට ලක්වුණා. අතුරුදන්ව ඇති සංඛ්‍යාව 5000කට අධිකයි.
මෙම සුනාමි සැමරුම වෙනුවෙන් දිවයින පුරා දිස්ත්‍රික් මට්ටමින් විවිධ වැඩසටහන් සංවිධාන කර ඇති අතර එහි ප්‍රධාන උත්සවය පැවැත්වෙන්නේ පැරෑලිය සුනාමි ස්මාරකය අභියසදීයි.
විවිධ ආපදා හේතුවෙන් මියගිය පුද්ගලයන් සිහි කරමින් ජාතික සුරක්ෂිතතා දිනය ක්‍රියාත්මක වනවා.
