අයවැය ඉදිරිපත් කළ ජනාධිපතිවරයාට ගෙදර ගියොත් අඹු නසී මග සිටියොත් තෝ නසී යන තත්ත්වයක් උදා වුණේ

මෙවර අයවැයේ ගංජා ගැන සඳහන් කරමින් ප්‍රකාශ කළේ පියවි සිහියකින්දැයි සැක සිතෙන බව පාර්ලිමේන්තු මන්ත්‍රී ඩිලාන් පෙරේරා පවසනවා .

අයවැය ඉදිරිපත් කළ ජනාධිපතිවරයාට ගෙදර ගියොත් අඹු නසී මග සිටියොත් තෝ නසී යන තත්ත්වයක් උදා වී ඇති බව පැවසූ ඒ මහතා ජනාධිපතිවරයා හරි දේ කරන්න ගියත් නහින්න වෙන තත්ත්වයක් ද හොරුන්ටික කරේ තියාගෙන පාරේ ගියත් නහින්න වෙන තත්ත්වයක් නිර්මාණය වී ඇති බව ද කියා සිටියේය .

තමාගේ පාර්ලිමේන්තු ඉතිහාසය තුළ අයවැය ඉදිරිපත් කරන විට මේසයට තට්ටු දමමින් ප්‍රසාදය පළ කරනු දක්නට ලැබුණත් මෙවර එවැනි තත්ත්වයක් නොදුටු බවද ඒ ඔහු සදහන් කළා .

මෙවර අයවැයේ තමා දුටු සුවිශේෂම දෙය නම් ඩයනා මැතිණියගේ ගංජා සංකල්පය රනිල් රාජපක්‍ෂ මහතා කරේ තබාගෙන යෑම බව ද ඒ මහතා වැඩිදුරටත් පැවසීය .