නිවසක උඩුමහලක ඉතා සුක්ෂම අයුරින් සිදුකරගෙන ගිය ගංජා වගාවක් පොලිස් විශේෂ කාර්ය බලකා නිලධාරීන් කණ්ඩායමක් විසින් වටලා තිබෙනවා.
බණ්ඩාරවෙල, ඉහළ කහත්තේවෙල ප්රදේශයේ නිවසක උඩුමහලේ ගංජා වගාවක් සිදුකරගෙන යන බවට ලද තොරතුරක් මත අද (04) පෙරවරුවේ මෙම වැටලීම සිදුකනු ලැබුවා.
එහිදී ඉතා සූක්ෂම අයුරින් වගා කරන ලද අඩි 05ක් පමණ උසකට වැඩුණු ගංජා පැල 14ක් සමඟ පුද්ගලයෙක් අත්අඩංගුවට ගැනීමට හැකි වූ බවයි විශේෂ කාර්ය බලකා සඳහන් කළේ.
අත්අඩංගුවට ගැනුණු පුද්ගලයා 41 හැවිරිදි වියේ පසුවන අයෙක් වන අතර, ඔහු වැඩිදුර විමර්ශන කටයුතු සඳහා බණ්ඩාරවෙල පොලිස් ස්ථානය වෙත භාරදීමටයි කටයුතු කර ඇත්තේ.
