ගොවීන්ගේ අතට අවි දෙන්න අමරවීරගෙන් අවසර

වගාවට වන සතුන්ගෙන් වන හානිය අවම කර ගැනීමට තුවක්කු දීම පිළිබඳව කෘෂිකර්ම අමාත්‍යාංශයේ අවධානය යොමුව ඇති බව වාර්තා වනවා.

පසුගිය කාලයේ මෙම වගා හානිය අවම කර ගැනීමට විවිධ සැලසුම් ක්‍රියාවට නැංවුවද ඒවා අසාර්ථක වූ බවයි ආරංචි මාර්ග පැවසුවේ.

ඒ හේතුවෙන් වගා බිම්වලට වන සතුන්ගෙන් වන හානිය ඉතා තදින් ම අස්වැන්න අඩු වීම කෙරෙහි බලපෑම් ඇතිව තිබෙනවා.

එම හානිය අවම කර ගැනීමට අමාත්‍යංශය දැඩිව අවධානය යොමු කර ඇති බවත් එයට විසඳුමක් ලෙස ගොවීන්ට තුවක්කු දීම කෙරෙහි අවධානය යොමුව ඇති බව සඳහන් වනවා.

මෙරට වගා කෙරෙන බෝග අතරින් වාර්ෂිකව 40%ක් පමණ වන සතුන්ගේ හානි හේතුවෙන් විනාශ වන බව කෘෂිකර්ම අමාත්‍යාංශ ආරංචි මාර්ග පවසනවා.

රිළවුන්, වඳුරන්, මොනරු, වල් ඌරන් හා දඬුලේනුන් නිසා මහා පරිමාණ බෝග විනාශයක් වන්නේ යැයි ද ඔහු පැවසුවා.