පසුගිය මැයි 09 වනදා කොළඹට පැමිණි පොහොට්ටුවේ ප්රාදේශීය මන්ත්රීවරුන් ඇතුළු ආධාරකරුවන් පිරිසක් බේරේ වැවට තල්ලු කළ කණ්ඩායම සොයා මේ වනවිට පොලිස් මෙහෙයුමක් ආරම්භ කර තිබෙනවා.
හිටපු අග්රාමාත්ය මහින්ද රාජපක්ෂට සහයෝගය දැක්වීම සඳහා මැයි 09 වනදා අරලියගහ මන්දිරයට පැමිණි පොදුජන පෙරමුණේ ආධාරකරුවන් පිරිසක් ගාලුමුවදොර අරගලකරුවන්ට පිරිසක් විසින් පහර දෙනු ලැබුවා.
එම පහරදීමෙන් පසු ප්රචණ්ඩ වූ පිරිසක් විසින් මහින්ද රාජපක්ෂට සහයෝගය දැක්වීම කොළඹට පැමිණි පිරිසෙන් විස්සකට වැඩි සංඛ්යාවක් බේරේ වැවේ ගිල්ලවා විවිධ හිරිහැරයන්ට පත්කරන අයුරු දැකගත හැකි වුණා.
ඊට සම්බන්ධ පුද්ගලයින් සොයා මේ වනවිටත් පොලිසිය විසින් විමර්ශන ආරම්භ කර ඇති අතර, එහිදී එක් පුද්ගලයෙක් කොම්පඤ්ඤ වීදිය – වෑකන්ද පාර ප්රදේශයේ දී අත්අඩංගුවට ගැනුණු බවයි වාර්තා වුණේ.
මෙලෙස අත්අඩංගුවට ගැනුණු සැකකරු දෙමටගොඩ ප්රදේශයේ පදිංචි 34 හැවිරිදි වියේ පසුවන අයෙක් වන අතට ඔහුගෙන් ප්රශ්න කරමින් සිටින බවයි පොලිස් ආරංචි සඳහන් කළේ.
