ආයුෂ්මාන් භාරත් ජාතික රක්ෂණ යෝජනා ක්රමය යටතේ වයස අවුරුදු 70 සහ ඊට වැඩි සැමට සෞඛ්ය ආවරණයක් ලබා දීමට ඉන්දියානු මධ්ය රජය විසින් කටයුතු කර තිබෙනවා.
අග්රාමාත්ය නරේන්ද්ර මෝදිගේ ප්රධානත්වයෙන් යුත් මධ්යම කැබිනට් මණ්ඩලය නිවේදනයක් නිකුත් කරමින් කියා සිටින්නේ, ජ්යෙෂ්ඨ පුරවැසියන් කෝටි හයක් සහිත පවුල් කෝටි 4.5 කට මෙම ප්රතිලාභය ලබා දෙන බවයි.
එහිදී වයස අවුරුදු 70 සහ ඊට වැඩි සියලුම ජ්යෙෂ්ඨ පුරවැසියන් ඔවුන්ගේ සමාජ-ආර්ථික තත්ත්වය නොසලකා ප්රතිලාභය ලබා ගැනීමට සුදුසුකම් ලබන බවයි එරට රජය කියා සිටින්නේ.
මෙය ලොව විශාලතම මහජන අරමුදල් සපයන සෞඛ්ය සහතික යෝජනා ක්රමයක් වන අතර එය පවුල් කෝටි 12.34ට අනුරූප වන පරිදි මිලියන 55 ක ජනතාවකට ද්විතීයික සහ තෘතියික සත්කාර රෝහල්ගත කිරීම සඳහා වසරකට එක් පවුලකට රුපියල් ලක්ෂ 5 ක සෞඛ්ය ආවරණයක් සපයයි.
