කොවිඩ් 19 පිළිබඳ තාක්ෂණික කමිටුව විසින් වසය අවුරුදු 60ට වැඩි පුද්ගලයින් වෙත විශේෂ දැනුම්දීමක් සිදු කර තිබෙනවා.
වයස අවුරුදු 60ට වැඩි පුද්ගලයන්ට උණ හෝ සෙම්ප්රතිශ්යාව වැලඳී ඇතැයි දැනුණු වහාම ඔවුන් ළඟම ඇති රෝහලට හෝ වෛද්යවරයකු හමුවට කඩිනමින් යොමු කළ යුතු බව යි ඔවුන් නිවේදනය කරන්නේ.
දැනට වාර්තා වන කොවිඩ් ආසාදිත මරණ අතරින් වයස අවුරුදු 60ට වැඩි පිරිස අවදානම් පුද්ගලයින් ලෙස හඳුනාගෙන ඇති බව සඳහන්.
එමෙන්ම රෝග ලක්ෂණ මතු වී දින කිහිපයක් නිවසේ සිට රෝහල් කරා ගෙන එන රෝගීන් ජීවිතක්ෂයට පත් වීම ද වර්ධනය වී තිබෙනවා.
වයස අවුරුදු 60ට වැඩි පුද්ගලයින් යම් රෝග ලක්ෂණයක් මතු වුණු වහාම වෛද්ය උපදෙස් ලබාගත යුතු බවට තීරණය වී ඇත්තේ එම හේතු අනුවයි.
කොවිඩ් 19 වැළැක්වීමේ ජාතික ක්රියාන්විත මධ්යස්ථානයේ ප්රධානී ආරක්ෂක මාණ්ඩලික ප්රධානී හා යුද හමුදාපති ජෙනරාල් ශවේන්ද්ර සිල්වා, සෞඛ්ය අමාත්යාංශ ලේකම් මේජර් ජෙනරාල් සංජීව මුණසිංහ, සෞඛ්ය අධ්යක්ෂ ජනරාල් වෛද්ය අසේල ගුණවර්ධන ඇතුළු සෞඛ්ය ප්රධානීන් සමග පැවැති සාකච්ඡාවේදී මෙම තීරණය ගෙන ඇති බව සඳහන්
