ශ්රී ලංකා නැගී එන කණ්ඩායම සහ කෙන්ට් ප්රාන්ත කණ්ඩායම අතර පැවැත්වෙන සිව්දින ක්රිකට් තරගය අතර තුර වසර 27ක් පැරණි වාර්තාවක් බිඳ දමන්නට ශ්රී ලංකා නැගී එන කණ්ඩායමේ නිශාන් මධුෂ්ක සමත් වුණා.
ඔහු මෙලෙස බිඳ දැමුවේ ශ්රී ලංකාවෙන් බිහි වූ විශිෂ්ඨ ක්රිකට් ක්රීඩකයෙකුවන අරවින්ද ද සිල්වා විසින් පිහිටුවා තිබූ වාර්තාවක් වීම විශේෂත්වයක්.
නිශාන් ඊයේ කෙන්ට් පිලට එරෙහිව හතරේ පහර 37ක් සහ හයේ පහර 02ක් සමඟින් ලකුණු 269ක් රැස් කිරීමට සමත් වුණා.
මෙය ශ්රී ලංකා ක්රීඩකයෙකු එංගලන්තයේ දී පළමු පෙළ තරගයක රැස්කළ වැඩිම ලකුණු සංඛ්යාව ලෙසටයි වාර්තා පොත් අලුත් කළේ.
1995 වසරේ ඩර්බිෂයර් පිලට එරෙහිව කෙන්ට් පිල වෙනුවෙන් අරවින්ද ද සිල්වා තබා තිබූ ලකුණු 255 වාර්තාව ඒ අනුව නිශාන් විසින් බිඳ දැමුවා.
තවමත් 22 හැවිරිදි වියේ පසුවන නිශාන් මධුෂ්ක මෙරට පළමු පෙළ පිටියේ දස්කම් දැක්වූ ක්රීඩකයෙක්.
