රජය විසින් පාර්ලිමේන්තුවට ඉදිරිපත් කර තිබෙන ආණ්ඩුක්රම ව්යවස්ථාවේ 22 වන සංශෝධන පනත් කෙටුම්පත අභියෝගයට ලක් කරමින් ශ්රේෂ්ඨාධිකරණය හමුවේ පෙත්සම් 67 ක් ගොනු කර තිබෙනවා.
ඒ අතරින් පෙත්සම් 41ක් මාර්ග ගත ක්රමයට ගොනුකර තිබීම විශේෂත්වයක්.
ඊට අමතරව පාර්ලිමේන්තුවට ඉදිරිපත් කර තිබෙන අධිකරණ සංවිධාන සංශෝධන පනත් කෙටුම්පත අභියෝගයට ලක් කරමින් ගොනුකර තිබෙන පෙත්සම් සංඛ්යාව 05 ක්.
මෙම පෙත්සම් සියල්ල විභාග කිරීම සඳහා අගවිනිසුරු ප්රීති පද්මන් සූරසේන මහතා විසින් පංච පුද්ගල ශ්රේෂ්ඨාධිකරණ විනිසුරු මඩුල්ලක් ඊයේ (31) නම් කරනු ලැබුවා.
එම පංච පුද්ගල විනිසුරු මඩුල්ලේ සභාපති විනිසුරුවරයා වශයෙන් කටයුතු කරන්නේ අගවිනිසුරු ප්රීති පද්මන් සුරසේන මහතා යි.
එම විනිසුරු මඩුල්ලේ සෙසු සාමාජිකයින් ලෙස අචල වෙංගප්පුලි, අර්ජුන ඔබේසේකර, සම්පත් අබේකෝන් සහ ගිහාන් කුලතුංග යන මහත්වරු කටයුතු කරනවා.
මෙම පෙත්සම් සම්බන්ධයෙන් කරුණු දක්වන ලෙස දන්වා ශ්රේෂ්ඨාධිකරණය විසින් ඊයේ (31) සවස නීතිපතිවරයා වෙත නොතිසි යවා තිබෙනවා.
