22 වන ආණ්ඩුක්රම ව්යවස්ථා සංශෝධන පනත් කෙටුම්පත සම්බන්ධයෙන් ගොනුකර ඇති පෙත්සම් සලකා බැලීම අද (01) දිනයේ ආරම්භ වනවා.
ඒ, අගවිනිසුරු ප්රිති පද්මන් සුරසේන මහතා ප්රමුඛ පංච පුද්ගල විනිසුරු මඩුල්ලක් ඉදිරියේ දීයි.
මෙම ප්රමුඛ පංච පුද්ගල විනිසුරු මඩුල්ලේ සභාපති විනිසුරු ලෙස අගවිනිසුරු ප්රිති පද්මන් සුරසේන මහතා කටයුතු කරන අතර, අචල වෙංගප්පුලි, අර්ජුන ඔබේසේකර, සම්පත් අබේකෝන් සහ ගිහාන් කුලතුංග යන විනිසුරුවරුන් මෙහි අනෙකුත් සාමාජිකයින් වනවා.
ඒ, අනුව අද (01) පෙරවරු 10 සිට ශ්රේෂ්ඨාධිකරණය හමුවේ මෙම පෙත්සම් සලකා බැලීමට නියමිතව තිබෙනවා.
22 වන ආණ්ඩුක්රම ව්යවස්ථා සංශෝධන පනත් කෙටුම්පත පසුගිය 18 වන දින අධිකරණ අමාත්ය හර්ෂණ නානායක්කාර විසින් පාර්ලිමේන්තුවට ඉදිරිපත් කළ අතර, ඉන් අනතුරුව එම පනත් කෙටුම්පත සම්බන්ධයෙන් පෙත්සම් ගොනුකිරීමට අවස්ථාව ලබාදී තිබුණා.
එලෙස ලබා දී තිබූ කාලය ඊයේ (31) අවසන් වූ අතර, මීට පක්ෂව සහ විපක්ෂව පෙත්සම් 40කට අධික සංඛ්යාවක් විවිධ පාර්ශව විසින් ශ්රේෂ්ඨාධිකරණයට ඉදිරිපත් කර තිබෙනවා.
මෙම පෙනත් කෙටුම්පත මඟින් අධිකරණයේ ස්වාධීනත්වයට සහ නීතීයේ ආධිපත්යයට හානි වන බව සඳහන් කරමින් ආණ්ඩුක්රම ව්යවස්ථාව අවභාවිත කරන බව ප්රකාශ කරන ලෙස ද එම පනත් කෙටුම්පත ආණ්ඩුක්රම ව්යවස්ථාවට පටහැනි බවත් එය සම්මත කර ගැනීම සඳහා ජනමත විචාරණයකට යොමුකරන ලෙසත් ඉල්ලමිනුයි මෙම පෙත්සම්වලින් බහුතරයක් ගොනුකර ඇත්තේ.
