ආර්ථිකය ප්‍රකෘතිමත් කිරීම සඳහා රජය සිදුකර ඇති ප්‍රතිසංස්කරණ ක්‍රියාවලියේ යහපත් ප්‍රතිඵල ශ්‍රී ලාංකීය ජනතාවට ලැබෙමින් පවතින බවත් එසේ වුව ද තව දුරටත් ඒ සඳහා ද්වී පාර්ශ්වීය සහ බහු පාර්ශ්වීය හවුල්කරුවන්ගේ සහාය අපේක්ෂා කරන බවත් මුදල් රාජ්‍ය අමාත්‍ය ශෙහාන් සේමසිංහ G-24 මුදල් අමාත්‍යවරුන්ගේ සහ මහ බැංකු අධිපතිවරුන්ගේ
සමුළුව අමතමින් සඳහන් කළා.
අමාත්‍යවරයා එහි දී පෙන්වා දුන්නේ ආර්ථිකය ස්ථාවර කිරීමේ ක්‍රියාමාර්ග සාර්ථක වී ඇති අතර, අපනයන ක්‍රියාවලිය
ශක්තිමත් කිරීම සහ ඍජු විදේශ ආයෝජන මගින් විදේශ ණය ලබාගැනීමකින් තොරව ආර්ථිකය නව වර්ධන මාවතකට යොමු කිරීමේ ක්‍රියාවලියක රජය දැන් නිරතව සිටීන බවයි.
තිරසර ආර්ථිකයක් ගොඩනැගීම සඳහා මෙවැනි සමුළුවල වැදගත්කම අවධාරණය කළ අමාත්‍යවරයා කියා සිටියේ ද්වී පාර්ශ්වීය සහ බහු පාර්ශ්වීය හවුල්කරුවන්ගේ සහයෝගය සමඟ ලෝකයේ හොඳම භාවිතයන් අනුගමනය කිරීමට රජය කටයුතු කරන බවයි.
මේ අතර අමාත්‍යවරයා ජෛව විවිධත්ව මූල්‍ය සංසදයේ දී අදහස් දැක් වූ අතර, COP 27 හිදී දියත් කරන ලද දේශගුණික සෞභාග්‍ය සැලැස්මට අනුව රටේ ප්‍රමුඛතා සහ ඉදිරි ගමන සම්බන්ධවයෙන් එහි දී අදහස් පළ කළා.
2030 වන විට රටේ පුනර්ජනනීය බලශක්ති උත්පාදනය 35% සිට 70% දක්වා ඉහළ නැංවීමේ ශ්‍රි ලංකාවේ ඉලක්කය බව එහි දී පෙන්වා දුන් අතර, ශ්‍රී ලංකාව RELEASE ශුන්‍ය කාබන් ආර්ථිකයක් බවට පත් කිරීමට රටේ සැලැස්ම සකසන බවත්, ශ්‍රී ලංකාව දැනටමත් සමුද්‍රීය අවකාශීය සැලැස්ම කෙටුම්පත් කිරීමේ වැඩකටයුතු ආරම්භ කර ඇති බවත්, ඒ සඳහා දැනටමත් වැඩ කටයුතු කරගෙන යන බවත් අමාත්‍යවරයා වැඩිදුරටත් සඳහන් කර සිටියා.
