2026 අයවැය තෙවන වර කියවීමේ ඡන්ද විමසීම අද (05) දින පස්වරුවේ සිදුකිරීමට නියමිතයි.
2026 වසර සඳහා වන විසර්ජන පනත් කෙටුම්පත දෙවන වර කියවීම හෙවත් අයවැය කතාව පසුගිය නොවැම්බර් 07 වනදා මුදල්, ක්රමසම්පාදන හා ආර්ථික සංවර්ධන අමාත්යවරයා ලෙස ජනාධිපති අනුර කුමාර දිසානායක විසින් පාර්ලිමේන්තුවට ඉදිරිපත් කරනු ලැබුවා.
අනතුරුව පසුගිය නොවැම්බර් 14 වනදා අයවැය දෙවන වර කියවීමේ ඡන්ද විමසීම පැවැති අතර එය වැඩි ඡන්ද 118කින් සම්මත වුණා.
අයවැය තෙවැනිවර කියවීමේ විවාදය හෙවත් කාරක සභා අවස්ථාව ඉන් අනතුරුව ආරම්භ වුණා.
අද (05) දිනයේ පාර්ලිමේන්තුවේ කටයුතු පෙරවරු 9.00ට ආරම්භ වන අතර, විවාදයෙන් අනතුරුව පස්වරු 6.00ට ඡන්ද විමසිම පැවැත්වීමට නියමිතයි.
