2025 අයි.පී.එල්. තරගාවලියට අදාළ ක්රීඩක වෙන්දේසිය සෞදි අරාබියේ පැවැත්වීම කෙරෙහි ඉන්දීය ක්රිකට් පාලක මණ්ඩලයේ අවදානය යොමුව තිබෙනවා.
ඒ, අනුව මෙගා වෙන්දේසිය පැවැත්වීමට සෞදි අරාබියේ රියාද් සහ ජෙඩා නගර පිළිබඳව සලකා ලබන බවයි ඉන්දීය ක්රිකට් පාලක මණ්ඩලය සඳහන් කර ඇත්තේ.
2024 තරග වාරය සඳහා පැවති වෙන්දේසිය ඩුබායි රාජ්යයේ දී පැවති අතර එය අති සාර්ථක එකක් වුණා.
ඩුබායි රාජ්ය සම්ප්රදායිකව මෙවැනි වෙන්දේසි සඳහා වඩාත් ප්රසිද්ධ ස්ථානයක් වුව ද මෙවර එය ඉන්දීය ක්රිකට් පාලක මණ්ඩලයේ ප්රමුඛ තේරීම නොවන බවයි වාර්තා වන්නේ.
කෙසේ වෙතත්, සෞදි නගරවල පිරිවැය ඩුබායිවලට වඩා බෙහෙවින් වැඩි වන අතර, එමඟින් ලොව ධනවත්ම ක්රිකට් ලීගයට පවා බාධාවක් එල්ල විය හැකි බවයි විදෙස් මාධ්ය වාර්තා කරන්නේ.
2025 අයි.පී.එල්. තරගාවලියට අදාළ ක්රීඩක වෙන්දේසිය ලබන නොවැම්බර් මස අගදී පැවැත්වීමටයි සැලසුම් කර ඇති අතර, එය දින දෙකක් පුරා පැවැත්වීම නියමිතයි.
