2025 වර්ෂයට නියමිත ඔස්කාර් සම්මාන උලෙළ ඊයේ (02) රාත්රියේ දී අතිඋත්කර්ෂවත් ව පැවැත්වුණා.
මෙම සම්මාන උලෙළ මෙවර පැවැත්වෙන්නේ අමෙරිකාවේ ලොස් ඇන්ජලීස් නුවර කැලිෆෝනියා ප්රාන්තයේ පිහිටි ඩොල්බි තියේටර් හි දියි.
97 වැනි ඔස්කාර් සම්මාන උලෙළ ලෙස මෙය පැවැත්වෙනවා.
මෙවර විශිෂ්ටතම චිත්රපටයට හිමි සම්මානය දිනාගත්තේ “Anora” චිත්රපටය වන අතර එහි අධ්යක්ෂක ෂෝන් බේකර් විසින් හොඳම අධ්යක්ෂණයට හිමි සම්මානය දිනාගත්තා.
“Anora” චිත්රපටය වෙනුවෙන් මිකී මැඩිසන් හොඳම නිළියට හිමි සම්මානයට පාත්ර වීම ද විශේෂත්වයක්.
හොඳම සහාය නළුවාට හිමි ඔස්කාර් සම්මානය කීරාන් කල්කින් (Kieran Culkin) දිනාගත්තේ ඔහු රංගනයෙන් දායක වූ “A Real Pain” චිත්රපටය සඳහා යි.
කල්කින් අමෙරිකානු සම්භවයක් සහිත 42 හැවිරිදි වියෙහි පසුවන අයෙක්.
ඔහුගේ කුළුදුල් ඔස්කාර් සම්මාන සඳහා නිර්දේශ වීම මෙය වන බවත් පළමු වරට ඔස්කාර් සම්මානයට පාත්ර වූ බවත් වාර්තා වනවා.
වයස අවුරුදු 7 දී “Home Alone” නමැති සුප්රසිද්ධ චිත්රපටයේ ළමා චරිතයක් සඳහා රංගනයෙන් දායක වූ අයෙක් ලෙසයි Kieran Culkin හැඳින්වෙන්නේ.
හොඳම සහාය නිළිය සඳහා හිමි සම්මානය ‘Emilia Perez චිත්රපටයට රංගනයෙන් දායක වූ සෝයි සල්ඩානාට හිමි වුණා.
‘The Brutalist’ චිත්රපටයේ රංගනය වෙනුවෙන් ඇඩ්රියන් බ්රෝඩි හට හොඳම නළුවා සම්මානය හිමි වූ බවත් බීබීසී මාධ්ය වාර්තා කළා.
