2025 අයවැයෙන් ලැබෙන සහන ජනපති අනුර කියයි (වීඩියෝ)

2025 වර්ෂය සඳහා වන අයවැය එළඹෙන පෙබරවාරි මාසයේ දී ඉදිරිපත් කිරීමට බලාපොරොත්තුවන බව ජනාධිපති අනුර කුමාර දිසානායක පවසනවා.

එහිදී රාජ්‍ය සේවකයින්ගේ වැටුප් වැඩිවීම පිළිබඳව අවදානය යොමුකර ඇති බවයි ජනාධිපතිවරයා සඳහන් කළේ.

එමෙන්ම පාසල් ළමුන් සඳහා දීමනාවක් ලබාදීම සම්බන්ධයෙන් ද එම අයවැය ලේඛනය මඟින් අවදානය යොමුකර ඇති බවයි ඔහු වැඩිදුරටත් පැවසුවේ.

ඊට අමතරව දිළිඳු ජනතාවට සහ ආබාධිත පුද්ගලයින්ට ලබාදෙන දීමනාව ද එම අයවැය මඟින් ඉහළ දමන බවයි ජනාධිපති අනුර කුමාර දිසානායක සඳහන් කර සිටියේ.

එමෙන්ම මෙරටට වැඩිම සංචාරකයින් පැමිණෙන වසර බවට 2025 වසර පත් කිරීමට ද අපේක්ෂාවක් පවතින බව ද ඔහු පැවසුවා.

එළඹෙන මහ මැතිවරණ සටන අරඹමින් අද (20) තංගල්ලේ දී ආරම්භ වූ ජාතික ජන බලවේගයේ පළමු රැළිය අමතමින් ජනාධිපති අනුර කුමාර දිසානායක මෙම අදහස් පළකළා.