2025 අයවැයෙන් මගේ වියදම් හරි අඩක් කපා හැරියා – ජනපති අනුර (වීඩියෝ)

රජය විසින් ගෙන ඒමට නියමිත අයවැය මඟින් 2025 වසර තුළ ජනාධිපතිවරයාගේ වියදම 50%කින් අඩුකර ඇති බව ජනාධිපති අනුර කුමාර දිසානායක පවසනවා.

ජාතික ජන බලවේගයේ කුරුණෑගල සුහද හමුවට ඊයේ (02) පස්වරුවේ එක්වෙමින් ජනාධිපතිවරයා මේ බව සඳහන් කළා.

මේ අතර තමාගේ ඉන්දීය සහ චීන නිල සංචාරයන් තුළ දී රජයේ මුදල් ලෙස වියදම් වූයේ ගුවන් ටිකට් පත් සඳහා වැයකළ මුදල පමණක් බවයි මෙහිදී ජනාධිපති අනුර කුමාර වැඩිදුරටත් පැවසුවේ.

මෙම නිල සංචාරයන් සඳහා ආණ්ඩුවෙන් තමන් වෙත වියදම් සඳහා ලැබුණු ඩොලර් දීමනාව යළි ගෙනවිත් රජයට භාරදුන් බවයි ජනාධිපතිවරයා මෙම සුහද හමුව අමතමින් සඳහන් කර සිටියේ.