2024 අධ්යයන පොදු සහතික පත්ර සාමාන්ය පෙළ විභාගය සඳහා අයදුම්පත් කැඳවීම අදින් (10) අවසන් වනවා.
ඒ, අනුව අද මධ්යම රාත්රී 12.00 දක්වා එම අයදුම්පත් භාරගැනීම සිදුකරන බවයි විභාග කොමසාරිස් ජනරාල් අමිත් ජයසුන්දර පැවසුවේ.
මාර්ග ගත ක්රමය ඔස්සේ මෙම අයදුම්පත් භාරගැනීම සිදුකරන අතර, පසුගිය නොවැම්බර් 05 වනදා සිට 30 වනදා දක්වා ඊට කාලය ලබා දී තිබුණා.
කෙසේ වෙතත් දිවයිනට බලපෑ අයහපත් කාලගුණ සමඟ ඇති වූ ආපදා තත්ත්වය හේතුවෙන් එම කාලසීමාව අද (දෙසැම්බර් 10) දිනය දක්වා දීර්ඝ කිරීමටයි විභාග දෙපාර්තමේන්තුව කටයුතු කළේ.
විභාග දෙපාර්තමේන්තුවේ නිල වෙබ් අඩවියට පිවිසීමෙන් විභාග අයදුම්පත්රය සම්පූර්ණ කිරීමට විභාග අපේක්ෂකයින්ට අවස්ථාව සලසා දී තිබෙනවා.
