2023 -2025 ලෝක ටෙස්ට් ශූරතා තරගාවලියේ අවසන් මහා තරගය හෙට (11) පස්වරුවේ ආරම්භ වනවා.
ඒ ජාත්‍යන්තර ලෝඩ්ස් ක්‍රීඩාංගණයේ දීයි.
ඔස්ට්‍රෙලියානු ටෙස්ට් නායකත්වය පැට් කමින්ස් දරන අතර ටෙම්බා බවුමා දකුණු අප්‍රිකානු කණ්ඩායමට නායකත්වය සපයනවා.
ක්‍රිකට් ක්‍රීඩාවේ නිජබිම වන ලෝඩ්ස් හි පැවැත්වෙන පළමු ලෝක ටෙස්ට් ශූරතාවලියේ අවසන් තරගය මෙය වනු ඇති.
නමුත් ඕස්ට්‍රේලියාව සහ දකුණු අප්‍රිකාව ලෝඩ්ස් හි ටෙස්ට් තරගයක දී එකිනෙක මුණගැසෙන පළමු අවස්ථාව මෙය නොවේ.
වර්ෂ 1912 දී, මැයි අග සිට අගෝස්තු අග දක්වා පැවති එවකට ලෝකයේ එකම ටෙස්ට් රටවල් තුන අතර පැවති ත්‍රිකෝණාකාර ටෙස්ට් තරගාවලියක පස්වන තරගයේ දී දෙපාර්ශ්වය මුණගැසුණු අතර, එම තරගාවලියේ දී ජය හිමිවූයේ එංගලන්තයටයි.
2021/2023 අතර පැවති ලෝක ටෙස්ට් ශූරතා තරගාවලියේ ශූරයින් වන්නේ ඔස්ට්‍රෙලියාවයි.
ඔස්ට්‍රෙලියානු කණ්ඩායම වෙනුවෙන් හෙට අවසන් මහා තරගයට ක්‍රීඩා කරන ක්‍රීඩකයින් 11 දෙනා ද මේ වනවිට නම් කර තිබෙනවා.
නවක ක්‍රීඩක කොන්ස්ටස්ට මෙම තරගය අහිමි වී ඇති අතර ආරම්භක පිතිකරුවන් ලෙස නම්කර ඇත්තේ, උස්මන් කවජා සමගින් මාර්නස් ලබුෂේන්ග්.
ඊට අමතරව පහත දැක්වෙන ක්‍රීඩකයින්ට අවසන් මහා තරගයට ක්‍රීඩා කිරීමට අවස්ථාව හිමිව තිබෙනවා.
