පසුගිය 2023 වර්ෂයේ පැවති පහ ශ්‍රේණි ශිෂ්‍යත්ව විභාගයේ ප්‍රතිඵල මත සිසුන්ට 2024 වර්ෂයේ 06 ශ්‍රේණියට ඇතුළත් වීම සඳහා අදාළ අභියාචනා ලබන 13 වනදා සිට 29 වනදා දක්වා මාර්ගගත ක්‍රමයට යොමු කිරීම හැකි බව අධ්‍යාපන අමාත්‍යාංශය පවසනවා.
අධ්‍යාපන අමාත්‍යාංශයේ නිල වෙබ් අඩවිය වන www.moe.gov.lk වෙත පිවිස උපරිම වශයෙන් පාසල් තුනක් සඳහා අභියාචනා ඉදිරිපත් කිරීමේ හැකියාව පවතිනවා.
ඊට අමතරව http://g6application.moe.gov.lk/#/ දිගුව ඔස්සේ සෘජුව ම අභියාචනා යොමු කිරීමේ හැකියාව ද පවතින බවයි එම අමාත්‍යාංශය සඳහන් කළේ.
