ඉරානයේ මානව හිමිකම් ක්රියාකාරිනියක වන නාර්ගෙස් මොහම්මදී මහත්මිය 2023 නොබෙල් සාම ත්යාගය දිනා ගැනීමට සමත්වී තිබෙනවා.
ඉරාන කාන්තාවන් අයුක්ති සහගත ලෙස පීඩනයට පත් කිරීමට එරෙහිව පෙනී සිටීම සහ මානව හිමිකම් ප්රවර්ධනය කිරීමට මෙන්ම සැමට නිදහස ළඟා කරදීමට සටන් වැදීම හේතුවෙනුයි නාර්ගෙස් මොහම්මදී මහත්මියට මෙවර නොබෙල් සාම ත්යාගය ලබා දීමට තීරණය කර ඇත්තේ.
නාර්ගෙස් මොහම්මදී කාන්තාවන් සහ මානව හිමිකම් වෙනුවෙන් කළ සේවය වෙනුවෙන් ඇයට විශාල වන්දියක් ගෙවීමට ද සිදුව තිබෙනවා.
මේ වන විට ඇය 13 වතාවක් ඉරාන බලධාරීන් විසින් අත්අඩංගුවට ගෙන ඇති අතර ඉන් අවස්ථා 5කදී ඇය වරදකාරිය වී ඇතැයි සඳහන්.
ඒ සඳහා සම්පූර්ණයෙන් වසර 31ක සිර දඬුවමක් සහ කස පහරවල් 154ක් ඇයට ලැබී තිබුණා.
නොබෙල් කමිටුවේ ප්රධානියා, නාර්ගෙස් මොහම්මදී ගේ කාන්තා හිංසනයට එරෙහි සටන අගය කළේ ඇය “නිදහස් සටන්කාමියෙකු” බව පවසමින්.
ඇය මේ වන විට ටෙහෙරානයේ කුප්රකට එවින් බන්ධනාගාරයේ දිගු සිර දඬුවමක් විඳිමින් සිටින අතර ඉරානය ඇයව ඉක්මනින් නිදහස් කරනු ඇතැයි අපේක්ෂා කරන බවයි නොබෙල් සාම ත්යාග කමිටුව ප්රකාශ කළේ.
