පසුගිය වසරේ (2023) මුල් මාස 10 තුළ මනුෂ්ය ඝාතන 488ක් වාර්තා වී ඇති බව ජාතික විගණන කාර්යාලය පවසනවා.
එම කාර්යාලය මඟින් නිකුත් කළ නවතම වාර්තාවක මේ බව සඳහන්වන අතර, මෙම මනුෂ්ය ඝාතන 488න් 52ක්ම සිදුව ඇත්තේ වෙඩි තැබීම්වලින් බවයි වාර්තා වන්නේ.
මේ අතර එම කාලයේ දී තංගල්ල, නුගේගොඩ, ගම්පහ, රත්නපුර සහ ඇල්පිටිය යන පොලිස් කොට්ඨාස පහ තුළ මනුෂ්ය ඝාතන ඉහළ සංඛ්යාවක් වාර්තා වී තිබෙනවා.
එමෙන්ම 2018 – 2022 අතර කාල පරිච්ඡේදයේ දී දිවයින පුරා බරපතල තුවාල සිදුකිරීම් සහ මනුෂ්ය ඝාතන 7,017ක් වාර්තා වී ඇති බව අදාළ වාර්තාවේ දැක්වෙනවා.
ඉන් අපරාධ 2,030ක්ම පසුගිය 2023 වසරේ දී වාර්තා වී තිබීම විශේෂත්වයක්.
මේ අතර රට තුළ බරපතළ අපරාධ වාර්තාවීම වර්ධනය වීම වැළැක්වීමට ප්රමාණවත් ක්රියාමාර්ග ගත යුතුව ඇතැයි විගණන කාර්යාලය නිකුත් කළ වාර්තාව මඟින් නිර්දේශ කර ඇත්තේ.
පසුගිය වසර 06ක කාලය සැළකිල්ලට ගැනීමේ දී ගෙවල් බිඳුම් සහ මංකොල්ලකෑම් වැඩිම සංඛ්යාවක් වාර්තා වී ඇත්තේ පසුගිය වසර තුළ දී වීම විශේෂත්වයක්.
2018 වර්ෂයට සාපේක්ෂව පසුගිය වසරේ දී එම අපරාධවල 50%ක පමණ වර්ධනයක් පෙන්නුම් කෙරෙන බවයි ජාතික විගණන කාර්යාලය පවසන්නේ.
මේ අතර කාන්තාවන්ට එරෙහි බරපතළ අපරාධ වාර්තා වීම 2022 වර්ෂයට සාපේක්ෂව පසුගිය වසරේ දී 27%කින් වර්ධනය වී ඇති බව සඳහන්.
විගණන කාර්යාලයේ වාර්තාවට අනුව ස්ත්රී දුෂණ සංඛ්යාව 182 සිට 226 දක්වා ඉහළ ගොස් තිබූ බව ද සඳහන්.
කාන්තාවන්ට බරපතල තුවාල කිරීම් සංඛ්යාව 154 සිට 221 දක්වා ද පිහි ආදියෙන් තුවාල කිරීම් සංඛ්යාව 74 සිට 96 දක්වා ද බරපතල ලිංගික අපයෝජන සංඛ්යාව 21 සිට 37දක්වා ද වර්ධනය වී තිබූ බව එම වාර්තාව අනාවරණය කරනවා.
පසුගිය වසරේදී (2023) මෙම අපරාධ විසඳීම 99%ක ප්රගතියක් පෙන්නුම් කළ ද, අපරාධ වාර්තාවීම වැඩි වී තිබූ බව ගණන කාර්යාලය පවසනවා.
එමෙන්ම එම අපරාධ පාලනයට හා වැළැක්වීමට ප්රමාණවත් ක්රියාමාර්ග ගෙන නොතිබූ බව ද එම කාර්යාලය ප්රකාශ කරනවා.
