මෙවර එක්දින ක්‍රිකට් ලෝක කුසලානයේ පැවති තරග ජයග්‍රහණය කරමින් ප්‍රසාද ලකුණු සටහනේ පෙරමුණ ගැනීමට නවසීලන්තය සමත් ව සිටිනවා.
නවසීලන්ත කණ්ඩායම පැවති තරග දෙක ම ජයගෙන ප්‍රසාද ලකුණු 04ක් හිමිකරගෙන තිබිනවා.
නවසීලන්තය හමුවේ පරාජයට පත් වූයේ එංගලන්තය සහ නෙදර්ලන්තය යි.
දෙවැනි තැන හිමි ව ඇත්තේ සත්කාරකත්වය දරන ඉන්දීය කණ්ඩායමටයි.
ඔවුන් පළමු තරගය ඔස්ට්‍රේලියාව පරදා ලබාගත් අතර, දෙවැනි ජය වාර්තා කළේ ඊයේ දිනයේ දී ඇෆ්ගනිස්තානයට එරෙහිව යි.
මෙම ප්‍රසාද ලකුණු සටහනේ තෙවැනි තැන ලෝක එක්දින ක්‍රිකට් ශ්‍රේණිගත කිරීම් හි පළමු තැන සිටින පාකිස්තානයට හිමි ව තිබෙනවා.
ඔවුන් පැවති පළමු තරගය ජය ගත්තේ නෙදර්ලන්තය පරදවමින්.
දෙවැනි තරගය විශිෂ්ට ලකුණු හඹායෑමක් සමගින් ප්‍රතිවාදී ශ්‍රී ලංකාවට එරෙහි ව ලබාගත්තා.
මීට අමතර පැවති පළමු තරගය ම ජයග්‍රහණයක් කරගත් දකුණු අප්‍රිකාව සිව්වැනි තැන හිමිකරගෙන ඇති අතර ශ්‍රී ලංකාව තරග කළ තරග 02 ම පරාජයට පත් වී, ලැයිස්තුවේ 08 වැනි තැන හිමිකරගෙන සිටිනවා.
