2022 ලංකා ප්‍රිමියර් ලීග් තරගාවලියේ ක්‍රීඩක කෙටුම්පතට පෙර ක්‍රීඩකයින් 05 දෙනෙකු පමණක් කණ්ඩායම තුළ රඳවා ගැනීමට අවසර දී තිබෙනවා.
එලෙස රඳවා ගත හැකි ක්‍රීඩකයින් 05 දෙනා අතර සිටිය හැකි උපරිම විදේශීය ක්‍රීඩකයින් සංඛ්‍යාව දෙදෙනෙක් පමණක් බවයි වාර්තා වන්නේ.
ඒ, අනුව රඳවාගනු ලබන අනෙකුත් ක්‍රීඩකයින් තිදෙනා ශ්‍රී ලංකා ක්‍රීඩකයින් විය යුතුයි.
ක්‍රීඩක කෙටුම්පතට පෙර එක් කණ්ඩායමක් ක්‍රීඩකයින් පස්දෙනෙකු දෙනෙකු රඳවා තබාගන්නේ නම්, එම කණ්ඩායමට ක්‍රීඩක කෙටුම්පතේදී ඉතිරි ක්‍රීඩකයින් 15 තෝරා ගැනීමේ හැකියව පවතිනවා.
මෙවර තරගාවලිය තුළ කණ්ඩායමකට තබා ගත හැකි උපරිම විදේශීය ක්‍රීඩකයින් සංඛ්‍යාව 06ක් වන අතර, ශ්‍රී ලංකා ක්‍රීඩකයින් 14 දෙනෙකු එක්කර ගැනීමට අවසර හිමි වෙනවා.
ඒ අනුව කණ්ඩායම තුළ සිටිය යුතු සමස්ත ක්‍රීඩකයින් සංඛ්‍යාව 20ක්.
