2022 විගණකාධිපතිවරයාගේ වාර්ෂික වාර්තාව සහ 2024 සඳහා වූ ජාතික විගණන කාර්යාලයේ කාර්ය වැඩසටහන නියෝජ්‍ය කථානායක අජිත් රාජපක්ෂ මහතා වෙත පිළිගන්වා තිබෙනවා.
එය පිළිගැන්වූයේ වාර්ෂික කාර්ය වැඩසටහනේ විගණකාධිපති ඩබ්ලිව්. පී. සී. වික්‍රමරත්න විසින්.
නියෝජ්‍ය කථානායක අජිත් රාජපක්ෂට මෙය පිළිගැන්වීම සිදු කෙරුණේ පාර්ලිමේන්තු සංකීර්ණයේ නියෝජ්‍ය කථානායක කාර්යාලයේදීයි.
අමාත්‍යාංශ, දෙපාර්තමේන්තු, සංස්ථා, මණ්ඩල, අධිකාරී, ව්‍යවස්ථාපිත අරමුදල්, ව්‍යවස්ථාපිත නොවන අරමුදල්, විදෙස් ආධාර ව්‍යාපෘති, පළාත් සභා, පළාත් පාලන ආයතන, රාජ්‍ය සමාගම් ඇතුළු ආයතන 2200කට වැඩි සංඛ්‍යාවක් 2022 වර්ෂය තුළ විගණනයකර ඒවායේ විගණන වාර්තා පාර්ලිමේන්තුවට ඉදිරිපත්
කිරීමට විගණාධිපතිවරයා විසින් කටයුතු කරනු ලැබුවා.
එම කාර්යයන්වලට අදාළ ව සිදු කරන ලද කටයුතු මෙම වාර්ෂික වාර්තාවට ඇතුළත්.
ඔබේ ප්‍රතිචාරය කුමක්ද ?
+1
+1
+1
+1
1
+1
+1
+1
