2022 වසරේ අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵල තවත් දින කිහිපයක් තුළ නිකුත් කරන බව අධ්‍යාපන අමාත්‍ය ආචාර්‍ය සුසිල් ප්‍රේම්ජයන්ත් පවසනවා.
අධ්‍යාපන අමාත්‍යවරයා පැවසුවේ; ප්‍රතිඵල නිකුත් කිරීමේ පියවරවල අවසන් අදියර මේ වනවිට ක්‍රියාත්මක බවයි.
රටේ අධ්‍යාපන ක්ෂේත්‍රය තුළ පසුගිය කාලයේ දී ඇති වූ විවිධ අර්බුද හේතුවෙන් දරුවන්ගේ විභාග පසුපසට ගිය බවත් පෙන්වාදෙන අධ්‍යාපන අමාත්‍යවරයා මෙහිදී මෙවර 5 ශ්‍රේණිය ශිෂ්‍යත්ව විභාගයේ ප්‍රතිඵල ගැන ද අදහස් දැක්වූවා.
අමාත්‍යවරයා පෙන්වා දුන්නේ මීට කිසිදු අවස්ථාවක මාසයක් තුළ ශිෂ්‍යත්ව විභාගයේ ප්‍රතිඵල නිකුත් කර නොමැති බවයි.
එමෙන්ම අධ්‍යයන පොදු සහතික පත්‍ර උසස් පෙළ විභාගයේ ප්‍රතිඵල පැවැත්වීමට සියලු කටයුතු සූදානම් කර ඇති බවත්, එම ප්‍රතිඵල මාස 03ක් විභාග උත්තර පත්‍ර පරීක්ෂණ කටයුතු ප්‍රමාද වීම හේතුවෙන් සිදු වූ බව ද පෙන්වා දුන්නා.
එම ගැටලුව පැන නොනැංගේ නම්; මෙම මස අග වනවිට උසස් පෙළ විභාගය ද පැවැත්වීමේ හැකියාවක් තිබූ බවයි අධ්‍යාපන අමාත්‍යවරයා සඳහන් කළේ.
