ජාත්යන්තර ක්රිකට් කවුසිලයේ නවතම ශ්රේණිගත කිරීම්වලට අනුව 20-20 පන්දු යවන්නන් අතර ශ්රී ලංකා දඟපන්දු යවන ක්රීඩක වනිඳු හසරංග එක් ස්ථානයක් පහළට ගොස් තිබෙනවා.
ඒ, අනුව ඔහු මේ වනවිට විස්සයි විස්ස පන්දු යවන්නන් අතර රැඳී සිටින්නේ සිව්වන ස්ථානයේ යි.
ඊට අමතරව ඔහු ජාත්යන්තර 20-20 ශ්රේණිගත කිරීම් අනුව, තුන් ඉරියව් ක්රීඩකයින් අතර ස්ථාන දෙකක් පහළට ගොස් සිව්වන ස්ථානයේ පසුවනවා.
මේ අතර විස්සයි විස්ස පිතිකරුවන් ශ්රේණිගත කිරීම්වල ඉදිරියට පැමිණීමට පැතුම් නිස්සංකට සහ කුසල් මෙන්ඩිස්ට හැකියාව ලැබී තිබෙනවා.
ඒ, අනුව ජාත්යන්තර විස්සයි විස්ස පිතිකරුවන් අතර ස්ථාන 11කින් ඉදිරියට පැමිණ ඇති පැතුම් නිස්සංක මේ වනවිට 15 වන ස්ථානයේ පසුවන්නේ ජොනී බෙයාස්ටෝ සහ රීසා හෙන්ඩ්රික්ස් සමඟ සමතැන ගනිමින්.
මීට අමතරව විස්සයි විස්ස පිතිකරුවන් අතර 19 වන ස්ථානය දක්වා ස්ථාන දෙකකින් ඉදිරියට පැමිණීමට කුසල් මෙන්ඩිස්ට හැකියාව ලැබී තිබෙනවා.
