බොරලැස්ගමුව පොලිස් වසමේ වැව පාර ප්‍රදේශයේ දී වලාන මධ්‍යම දූෂණ මර්දන ඒකකයේ නිලධාරීන් කණ්ඩායමක් විසින් ලද තොරතුරක් මත වැටලීමක් සිදුකර අයිස් මත්ද්‍රව්‍ය ග්‍රෑම් 23 මිලිග්‍රෑම් 500ක්, කඩුවක් හා කිණිස්සක් සමඟ සැකකරුවෙක් අත්අඩංගුවට ගෙන බොරලැස්ගමුව පොලිස් ස්ථානය වෙත ඉදිරිපත් කර තිබෙනවා.
සැකකරු අවුරුදු 20ක් වන බොරලැස්ගමුව ප්‍රදේශයේ පදිංචිකරුවෙක්.
සැකකරු විදේශගතව සිටින සංවිධානාත්මක අපරාධ හා මත්ද්‍රව්‍ය ජාවාරම්කරුවෙක්ගේ මෙරට මත්ද්‍රව්‍ය ජාවාරම් මෙහෙයවනු ලබන අපරාධ කල්ලි සාමාජිකයෙක් බවට අනාවරණය වී තිබෙනවා.
මොහු මනුෂ්‍ය ඝාතනයක් සිදු කිරීමට කඩු හා කිණිසි සහිතව බොරලැස්ගමුව වැව පාර ප්‍රදේශයේ නිවසක සූක්ෂම ලෙස සැලසුම් කරමින් සිටියදී අත්අඩංගුවට ගෙන තිබෙනවා.
සැකකරු විසින් මීට පෙර සිදු කරන ලද පැහැර ගැනීම් පහරදීම් පුද්ගලයින් කපාකොටා බරපතල තුවාල සිදු කිරීම් හා මත්ද්‍රව්‍ය ජාවාරම් කිරීම සම්බන්ධයෙන් පොලිස් ස්ථාන කිහිපයක නඩු ගනණාවක් පවතින බවටද අනාවරණය වී තිබෙනවා.
බොරලැස්ගමුව පොලිසිය විසින් වැඩිදුර විමර්ශන සිදු කරනු ලබනවා.
