කිසිදු වෛද්ය සුදුසුකමක් නොමැති නිව්යෝර්ක් පාසල් ගුරුවරයෙකු සිසුවෙකුට කොවිඩ් එන්නතක් ලබාදුන් බව කියන සිද්ධියක් සම්බන්ධයෙන් අත්අඩංගුවට ගෙන ඇති බව එරට බලධාරීහු සඳහන් කරනවා
එරට පොලිසිය පවසන්නේ ලෝරා රූසෝ නැමති ගුරුවරිය තම නිවසේ දී මෙම මාත්රාව ලබා දුන්නේ පිරිමි ළමයාගේ දෙමාපියන්ගේ කැමැත්ත හෝ එන්නත් කිරීමට නීත්යානුකූල අවසරයක් නොමැති අවස්ථාවකදී බවයි.
17 හැවිරිදි පිරිමි ළමයාට එන්නත අවශ්යව තිබූ බව වාර්තා වන නමුත් මෙලෙස ලබා දීම සුදුසු නොවන බවයි බලධාරීන් සඳහන් කරන්නේ.
54 හැවිරිදි රුසෝ මෙනවිය ජීව විද්යාව උගන්වන ගුරුවරියක්
ඇය වරදකරු වුවහොත් වසර හතරක සිරදඬුවමකට මුහුණ දීමට සිදුවනු ඇති
බලධාරීන් පවසන්නේ එන්නත් වැරදි ලෙස භාවිතා කළහොත් අනතුරුදායක විය හැකි බවයි.
එන්නතක් ව්යාජ හෝ කල් ඉකුත් වූ එකක් නොවන බව වෛද්යවරුන් සහ බලපත්රලාභී වෛද්ය සේවකයින් විසින් තහවුරු කළ යුතුයි .
එමෙන්ම රෝගීන්ගෙන් ඔවුන්ගේ වෛද්ය ඉතිහාසය ගැනද විමසිය යුතු අතර, එන්නත ලබා දීමෙන් පසු ඔවුන්ගේ ප්රතික්රියාව නිරීක්ෂණය කළ යුතු වනවා.
රූසෝ මහත්මිය කොවිඩ් එන්නත ලබා ගත්තේ කෙසේද යන්න හෝ එය කුමන වෙළඳ නාමයක්ද යන්න අපැහැදිලි බව පොලිසිය සඳහන් කරනවා.
දැනට, Pfizer එන්නත වයස අවුරුදු 18 ට අඩු ඇමරිකානුවන් සඳහා අවසර දී ඇති එකම එන්නත බවයි විදෙස් මාධ්ය වැඩිදුරටත් පවසන්නේ
