ජාතික රණවිරු සැමරුම් උත්සවය සේනාධිනායක ජනාධිපති රනිල් වික්රමසිංහ මහතාගේ සහ අග්රාමාත්ය දිනේෂ් ගුණවර්ධනගේ ප්රධානත්වයෙන් අද (19) පස්වරුවේ බත්තරමුල්ල රණවිරු ස්මාරකය අභියසදී අභිමානවත්ව පැවැත් වුණා.
දශක තුනක කාලයක් පැවති එල්.ටී.ටී.ඊ ත්රස්තවාදය පරාජය කර වීරෝධාර රණවිරුවන් අත්කරගත් යුද විජයග්රහණයට අදට වසර 14ක් සපිරෙනවා.
එහිදී යුද, ගුවන්, නාවික, පොලිස් සහ සිවිල් ආරක්ෂක බලකායේ වීරෝධාර රණවිරුවන් 28,619 දෙනෙක් මව්බිමේ නිදහස වෙනුවෙන් දිවි පිදූ අතර ආබාධිත වූ රණවිරුවන් සංඛ්යාව 27,000කට අධිකයි.
ඔවුන් වෙනුවෙන් ජාතියේ ප්රණාමය පළ කරමින් ජාතික රණවිරු සේවා අධිකාරිය විසින් 2023 ජාතික රණවිරු සැමරුම් උළෙල අභිමානවත්ව සංවිධානය කර තිබුණා.
ජාතික ගීය වාදනයෙන් පසු ජනාධිපතිවරයා ඇතුළු පිරිස, දිවි පිදු රණවිරුවන් සිහිපත් කරමින් විනාඩි දෙකක නිහඬතාවක නිරත වුණා.
සර්ව ආගමික වතාවත් මධ්යයේ උත්සවයේ කටයුතු ආරම්භ වූ අතර රටේ ස්වෛරීභාවය හා භෞමික අඛණ්ඩතාව සුරක්ෂිත කිරීමට සිය ජීවිත පරිත්යාග කළ යුද, ගුවන් හා නාවික හමුදාවන්හි, පොලිසියේ සහ සිවිල් ආරක්ෂක බළකායේ විරෝධාර රණවිරුවන්ගේ සදාතනික මතකයන් හා වීරත්වය ඇගැයීම සඳහා විශේෂ රණ බෙර වාදනයක් ද පැවැත්වීම සිදු කෙරුණා.
අනතුරුව ජනාධිපතිවරයා, අග්රාමාත්යවරයා, කථානායක මහින්ද යාපා අබේවර්ධන, විපක්ෂ නායක, මහජන ආරක්ෂක ඇමති, ආරක්ෂක රාජ්ය ඇමති ඇතුළු මැති ඇමතිවරු, ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානි සාගල රත්නායක, ආරක්ෂක ලේකම්, ආරක්ෂක මාණ්ඩලික ප්රධානි ජෙනරාල් ශවේන්ද්ර සිල්වා ප්රමුඛ ත්රිවිධ හමුදාපතිවරු, පොලිස්පති, සිවිල් ආරක්ෂක දෙපාර්තමේන්තුවේ අධ්යක්ෂ ජනරාල්වරයා හා ෆීල්ඩ් මාර්ෂල් සරත් ෆොන්සේකා මහතා ඇතුළු හිටපු ත්රිවිධ හමුදාපතිවරු, රණවිරුවෝ සහ රණවිරු පවුල්වල සාමාජිකයෝ රණවිරු ස්මාරකය පාමුල මල්කළඹ තබා රණවිරුවන්ට උත්තමාචාරය පුද කළා.
