11 වැනි “ගාලු කතිකාව” ජාත්‍යන්තර සමුද්‍රීය සමුළුව “ඉන්දියානු සාගරයේ මතුවන නව පිළිවෙළ” (Emerging New Order in the Indian Ocean) යන තේමාව යටතේ ගාල්ල ජෙට්වින්ග් ලයිට්හවුස් හෝටලයේදී ආරම්භ වී තිබෙනවා.
කලාපීය සමුද්‍රීය සහයෝගීතාව ශක්තිමත් කිරීම සහ සමුද්‍රීය ක්ෂේත්‍රයේ පොදු අභියෝගවලට මුහුණ දීම සඳහා ගෝලීය උපාය මාර්ගයක් සැකසීම අරමුණු කර ගනිමිනුයි මෙම සමුළුව පැවැත්වෙන්නේ.
මෙවර සමුළුව සඳහා රටවල් 44ක ජාත්‍යන්තර සංවිධාන 11ක් හා ආරක්ෂක ක්ෂේත්‍රයේ නිපැයුම් සම්බන්ධ ආයතනයන්ගේ දෙස් – විදෙස් නියෝජිතයන් මෙන්ම සමුද්‍රීය ආරක්ෂක විද්වතුන් රැසක් සහභාගී වනවා.
ජනාධිපති රනිල් වික්‍රමසිංහගේ ප්‍රධානත්වයෙන් ආරම්භ වූ ගාලු කතිකාව අන්තර්ජාතික සමුද්‍රීය සම්මන්ත්‍රණය දින දෙකක් පුරා පැවැත්වීමයි නාවික හමුදාව කටයුතු සූදානම් කර ඇත්තේ.
