පසුගිය සැප්තැම්බර් මස 24 වනදා ධුර කාලය අවසන් කළ මෙරට 09 වන පාර්ලිමේන්තුවේ දී පනත් 167ක් සම්මත කරගෙන ඇති බව පාර්ලිමේන්තු මහ ලේකම් කාර්යාලය පවසනවා.
ඒ, අනුව රජයේ පනත් 146ක් සහ පෞද්ගලික මන්ත්රී පනත් 21ක් මෙලෙස සම්මත කරගත් පනත් 167ට අයත්.
මෙරට 09 වන පාර්ලිමේන්තුව 2020 අගෝස්තු මස 20 වනදා ආරම්භ කර 2024 සැප්තැම්බර් මස 24 වනදා විසුරවා හරිනු ලැබුවා.
2023 අංක 3 දරන මැතිවරණ වියදම් නියාමන පනත
2023 අංක 6 දරන පාර්ලිමේන්තු අයවැය කාර්යාලය පනත
2023 අංක 9 දරන දූෂණ විරෝධී පනත
2023 අංක 16 දරන ශ්රී ලංකා මහ බැංකු පනත
2023 අංක 21 දරන මැතිවරණ (විශේෂ විධිවිධාන) පනත
2023 අංක 28 දරන දූෂණ විරෝධී (සංශෝධන) පනත
2024 අංක 9 දරන මාර්ගගත ක්රමවල සුරක්ෂිත භාවය පිළිබඳ පනත
2024 අංක 36 දරන ශ්රී ලංකා විදුලිබල පනත
2024 අංක 37 දරන කාන්තාවන් සවිබල ගැන්වීමේ පනත
2024 අංක 44 දරන රාජ්ය මූල්ය කළමනාකරණ පනත
2024 අංක 45 දරන ආර්ථික පරිවර්තන පනත යන පනත් මෙම පාර්ලිමේන්තුව තුළ සම්මත වූ පනත් අතරින් විශේෂ පනත් කිහිපයක්.
