නිරිත දිග බෙංගාල බොක්ක ප්රදේශයේ පවතින ගැඹුරු පීඩන අවපාතය අද (29) පස්වරු 2.30 පමණ වනවිට සුළි කුණාටුවක් දක්වා වර්ධනය වී ත්රිකුණාමලයට කිලෝමීටර් 310ක් පමණ ඊසාන දෙසින් සහ කන්කසන්තුරය සිට කිලෝමීටර් 280ක් පමණ නැගෙනහිර දෙසින් පිහිටා තිබූ බව කාලගුණ විද්යා දෙපාර්තමේන්තුව නිවේදනය කළා.
එය සුළි කුණාටුවක් ලෙස බස්නාහිරට බරව වයඹ දෙසට ගමන් කර තමිල්නාඩු වෙරළ වෙත හෙට (30) දිනයේ ගමන් කිරීමේ වැඩි ඉඩක් පවතින බවයි කාලගුණ අංශය සඳහන් කර සිටියේ.
‘ෆෙන්ගල්’ ලෙස නම්කර ඇති මෙම සුළි කුණාටුව මඟින් දිවයිනේ කාලගුණ පද්ධතියට සිදුකරන බලපෑම අද (29) දිනයෙන් පසු ක්රමයෙන් අඩුවනු ඇති බවයි කාලගුණ විද්යා දෙපාර්තමේන්තුව නිකුත් කළ නිවේදනයේ දැක්වෙන්නේ.
කෙසේ වෙතත් දිවයිනේ උතුරු සහ උතුරු-මැද පළාත්වලත් ත්රිකුණාමලය දිස්ත්රික්කයේ විටින් විට වැසි හෝ ගිඟුරුම් සහිත ඇතිවන අතර, උතුරු පළාතේ ඇතැම් ස්ථානවලට මි.මී. 100 ට වැඩි තද වැසි ඇතිවිය හැකියි.
ඊට අමතරව බස්නාහිර, සබරගමුව, මධ්යම සහ වයඹ පළාත්වලත් ගාල්ල, මාතර, මාතලේ සහ මාතර දිස්ත්රික්කවලත් විටින් විට වැසි ඇති විය හැකි බවයි දැනුම් දෙන්නේ.
