ළහිරු උදාර සහ කමිඳු මෙන්ඩිස් එක්ව තුන්වන කඩුල්ලට එක්කර සාර්ථක සබඳතාව හේතුවෙන් ශ්රී ලංකා පළමු ඉනිම
හොඳ මට්ටමකට ගෙන එන්නට කොදෙව්වන් සමඟ පැවැත්වෙන දෙවන ටෙස්ට් තරගයේ පළමු දිනය අවසන් වනවිට හැකියාව ලැබුණා.
ළහිරු උදාර සහ කමිඳු මෙන්ඩිස් එක්ව ශ්රී ලංකා පළමු ඉනිමේ තුන්වන කඩුල්ල වෙනුවෙන් ලකුණු 215ක අගනා සබඳතාවක් ගොඩනැනීමට සමත් වුණා.
ශ්රී ලංකා ඉනිමේ පළමු කඩුලු 02 ලකුණු 25ක් වැනි ඉතා අඩු ලකුණු සංඛ්යාවක් තුළ දවා ගන්නට කොදෙව් පන්දු යවන්නන්ට හැකියාව ලැබුණා.
කෙසේ වෙතත් පැතුම්ගේ ඉවත්වීමෙන් පසු කණ්ඩායමට කැඳවූ ළහිරු උදාර කලකට පසු ලැබුණු අවස්ථාවෙන් සාර්ථක ඵල නෙලාගනිමින් ලකුණු 188ක් රැස් කළා.
අනෙක් අන්තයේ සිට ඔහුට සහාය වූ කමිඳු මෙන්ඩිස්, කොදෙව් කඩුලු රකින ක්රීඩක ෂායි හෝප්ගේ විශිෂ්ඨ ස්ටම්ප් කිරීම හමුවේ දැවීයන විට රැස්කරගෙන සිටි ලකුණු සංඛ්යාව 84ක්.
ශ්රී ලංකා පළමු ඉනිම වෙනුවෙන් නායක ධනංජය ද සිල්වා ලකුණු 33ක් රැස්කළ අතර, තරගයේ පළමු දිනය අවසන්වන විට කුසල් මෙන්ඩිස් සහ සොනාල් දිනුෂ නොදැවී කඩුල්ලේ රැඳී සිටියා.
ඇන්ටිගුවා හිදී පැවැත්වෙන් දෙවන ටෙස්ට් තරගයේ පළමු දිනය අවසන් වනවිට පළමු ඉනිම ක්රීඩා කරන ශ්රී ලංකා කණ්ඩායමේ ලකුණු පුවරුව කඩුලු 05කට ලකුණු 338ක් ලෙස කියවී තිබුණා.
.
