මේ දිනවල පැතිර යන උණ රෝගී තත්ත්වය හේතුවෙන් ප්‍රතිකාර ලබාගැනීමට පැමිණෙන ළමුන්ගෙන් බහුතරයකට ඩෙංගු වෛරසය වැළඳී ඇති බවට වාර්තා වනවා.
කොළඹ රිජ්වේ ආර්යා ළමා රෝහලේ විශේෂඥ වෛද්‍ය දීපාල් පෙරේරා මහතා පවසන්නේ ළමුන් අතර ඩෙංගු රෝගය පැතිරීමේ සීඝ්‍ර වර්ධනයක් පෙන්නුම් කරන බවයි.
මේ දිනවල ළමුන් අතර ඩෙංගු රෝගය පැතිරීමේ වර්ධනයක් පෙන්නුම් කරන බව වාර්තා වනවා.
උණ රෝගී තත්ත්වය හේතුවෙන් ප්‍රතිකාර සඳහා රෝහල්ගත කරන ළමුන්ගෙන් බහුතරයකට ඩෙංගු වෛරසය වැළදී ඇති බව තහවුරු වන බවයි කොළඹ රිජ්වේ ආර්යා ළමා රොහලේ විශේෂඥ වෙද්‍ය දීපාල් පෙරේරා මහතා සඳහන් කරන්නේ.
එසේම , කොළඹ දිස්ත්‍රික්කය තුළ ඩෙංගු මදුරුවන් බෝවන පරිශ්‍ර පැවති ආයතන 175කට වැඩි සංඛ්‍යාවකට මේවන විට රතු නිවේදන නිකුත් කර තිබෙනවා.
මේ අතර, ලෝකයේ ළමා ලාදුරු රෝගීන් වැඩිම රටවල් 05 අතරට ශ්‍රී ලංකාව ද පැමිණ තිබෙනවා.
මේ වන විට මෙරටින් වාර්තා වන ලාදුරු රෝගීන්ගෙන් 10%ක් පමණ ළමුන් බවයි සඳහන් වන්නේ.
ලාදුරු යනු බැක්ටීරියා මඟින් බෝවන රෝගයක් වන අතර එහි මූලික රෝග ලක්ෂණයක් වන්නේ සමේ පැහැයට වඩා වෙනස් ලප ඇති වීමයි.
එසේම අත් පා හිරි වැටීම, ඇඟිලි වකුටු වී , ඇති වූ ලප මත ස්පර්ශය, වේදනාව, කැසීම වැනි සංවේදන නොමැති වීම, පාදයේ වළලුකරට ඉහළින් පණ නැති ස්වභාවය, මාංශ පේශී දුරවල වීම සිදු වනවා.
මෙවැනි රෝග ලක්ෂණ එකක් හෝ පවතී නම් වෛද්‍ය ප්‍රතිකාර කරා යොමු වීමෙන් රෝගය වැළැක්වීමට හැකි බවයි වෛද්‍ය අංශ පවසන්නේ.
