2025 වර්ෂයේ පළමු ශ්‍රේණියට සිසුවෙකු ඇතුළත් කරගැනීම වෙනුවෙන් අදාළ සිසුවාගේ දෙමාපියන්ගෙන් රුපියල් 18500ක අල්ලසක් ලබාගත්තේ යැයි චෝදනා ලැබූ විදුහල්පතිවරයෙකු එළඹෙන 31 වැනිදා දක්වා රක්ෂිත බන්ධනාගාරගත කිරීමට අධිකරණය නියෝග කර තිබෙනවා.
අද (20) පෙරවරුවේ මෙම සැකකාර විදුහල්පතිවරයා ව කොළඹ ප්‍රධාන මහේස්ත්‍රාත් අධිකරණ විනිසුරු තනූජා ලක්මාලි මහත්මිය ඉදිරියට පමුණුවනු ලැබූ අවස්ථාවේ දියි අදාළ නියෝගය නිකුත් කර ඇත්තේ.
විත්තිකාර විදුහල්පතිවරයා විසින් වින්දිත පාර්ශ්වයට දැනුම්දී ඇත්තේ දරුවා පාසලට ඇතුළත් කරගැනීමට නම් සිමෙන්ති කොට්ට 10ක් සඳහා වැය වන රුපියල් 18,500ක මුදල සහ වැලි කියුබ් 01ක් පාසලට ලබාදෙන ලෙසයි.
ඒ අනුව අදාළ දෙමාපියන් විසින් බණ්ඩාරවෙල සීවලි මහා විද්‍යාලය වෙත තම දරුවා ඇතුළත් කරවීම සඳහා විදුහල්පතිවරයා විසින් ඉල්ලන ලද සිමෙන්ති කොට්ට 10 සඳහා වන මුදල පාසල ඉදිරිපිට පිහිටි හාඩ්වෙයාර් එකකට ගෙවා තිබෙනවා.
ඉන් අනතුරුව තමන් අදාළ මුදල සිමෙන්ති සඳහා ගෙවූ බවට වන පණිවිඩය දෙමාපියන් මගින් විදුහල්පතිවරයා වෙත දූරකථන මාර්ගයෙන් දැනුම්දී ඇති බවයි වාර්තා වන්නේ.
එම අවස්ථාවේ දී අල්ලස් හෝ දූෂණ විමර්ශන කොමිෂන් සභාව වෙත ලද පැමිණිල්ලක් අනුව වැටලීම සිදු කර විදුහල්පතිවරයා ව අත්අඩංගුවට ගත්තා.
මෙලෙස අත්අඩංගුවට ගෙන ඇත්තේ බණ්ඩාරවෙල සීවලී මහා විද්‍යාලයේ විදුහල්පතිවරයා වශයෙන් කටයුතු කළ දිසානායක මුදියන්සේලාගේ ගුණසිරි නමැත්තෙක්.
සිද්ධිය සම්බන්ධයෙන් පොලිස් විමර්ශන ක්‍රියාත්මකයි.
මම දන්න තරමෙ මෙ විදුහල්පති ආවාට පස්සෙ පාසල ගොඩක් හොඳයි අධ්‍යාපන ක්‍රියා හැම දෙමල මෙයත් කරන්න ඇත්තේ පාසලේ දියුණුව නිසා